سەمەيدە اقش ۆيزاسىن  الماقشى بولعان ستۋدەنت الاياققا الدانىپ قالدى. بۇل تۋرالى اباي وبلىستىق پوليتسيا دەپارتامەنتى مالىمدەدى.

«21 جاستاعى ءتورتىنشى كۋرس ستۋدەنتى پوليتسياعا شاعىمدانىپ، بيىل كوكتەمدە «امەريكالىق ارمانىن» جۇزەگە اسىرماق بولعان كەزدە الاياقتىقتىڭ قۇربانى بولعانىن ايتتى. جاس جىگىتتىڭ ايتۋىنشا، وعان ەر ادام اقش ۆيزاسىن راسىمدەۋگە كومەكتەسۋدى ۇسىنعان. ول بۇل قىزمەتى ءۇشىن 199 300 تەڭگە سۇراپ، ستۋدەنت بۇل سومانى تولىق كولەمدە اۋدارعان. الايدا اقشانى العان سوڭ «كومەكشى» بايلانىسقا شىقپاي، ستۋدەنتتى تۇكسىز قالدىرعان»، — دەپ جازىلعان ماتەريالدا.

اباي وبلىستىق پوليتسيا دەپارتامەنتىنىڭ جەدەل جۇمىسىنىڭ ارقاسىندا كۇدىكتىنىڭ جەكە باسى انىقتالدى. ول جامبىل وبلىسىنىڭ 28 جاستاعى تۇرعىنى بولىپ شىقتى. قازىرگى ۋاقىتتا ەر ادامعا قاتىستى الاياقتىق فاكتىسى بويىنشا سوتقا دەيىنگى تەرگەۋ باستالدى.

«راستايتىن قۇجاتتار مەن ليتسەنزيالارى جوق، قىزمەتتەر ۇسىناتىن بەيتانىس ادامدارعا سەنبەڭىزدەر. ۆيزا راسىمدەۋگە كومەك كورسەتەتىن كومپانيالار مەن جەكە تۇلعالاردىڭ بەدەلىن مۇقيات تەكسەرىڭىزدەر. الاياقتىققا تاپ بولساڭىز، دەرەۋ قۇقىق قورعاۋ ورگاندارىنا حابارلاسىڭىز. بۇل ماسەلەنى جەدەل شەشۋگە جانە وسىنداي جاعدايلاردىڭ الدىن الۋعا كومەكتەسەدى»، — دەپ ەسكەرتتى اباي وبلىستىق پوليتسيا دەپارتامەنتى.

Abai.kz