الماتى قالاسى بويىنشا مەملەكەتتىك كىرىستەر دەپارتامەنتى قازاقستان رەسپۋبليكاسىنىڭ زاڭناماسىنا ەنگىزىلىپ جاتقان وزگەرىستەرگە سايكەس، جەكە تۇلعانىڭ اكتيۆتەرى مەن مىندەتتەمەلەرى تۋرالى دەكلاراتسيانى (250.00 سەن) ۇسىنۋعا كەلەسى ساناتتار مىندەتتەلەتىنىن حابارلايدى:

• شەتەلدە مۇلكى بار قازاقستان رەسپۋبليكاسىنىڭ ازاماتتارى مەن رەزيدەنتتەرى;
• سايلانبالى جانە مەملەكەتتىك لاۋازىمدارعا كانديداتتار;
• بانكتىڭ، باعالى قاعازدار نارىعىنىڭ نەمەسە ساقتاندىرۋ ۇيىمدارىنىڭ ءىرى قاتىسۋشىسى بولۋعا نيەتتى تۇلعالار;
• جەكە پراكتيكامەن اينالىساتىن تۇلعالار;
• دەكلاراتسيانى ەرىكتى تۇردە تاپسىرعىسى كەلەتىن ازاماتتار.

شەتەلدەگى دەكلاراتسيالاۋعا جاتاتىن اكتيۆتەر:

• جىلجىمايتىن مۇلىك، كولىك قۇرالدارى;
• شەتەلدىك كومپانيالارداعى نەمەسە تۇرعىن ءۇي قۇرىلىسىنا قاتىسۋداعى ۇلەستەر;
• شەتەلدىك بانكتەردەگى شوتتارداعى قاراجات، ەگەر ولاردىڭ سوماسى 1000 اەك-تەن اساتىن بولسا;
• باعالى قاعازدار، تۋىندى قارجى قۇرالدارى;
• بروكەرلىك شوتتارداعى قاراجات;
• ينتەللەكتۋالدىق مەنشىك وبەكتىلەرى، اۆتورلىق قۇقىقتار;
• تسيفرلىق اكتيۆتەر;
• دەبيتورلىق/كرەديتورلىق بەرەشەكتەر;
• ينۆەستيتسيالىق جانە باعالى مەتالدار;
• قۇنى 1000 اەك-تەن اساتىن مۇلىك (مىسالى، انتيكۆاريات، ءسان-سالتانات زاتتارى).

سونىمەن قاتار، قازاقستان رەسپۋبليكاسىندا جانە شەتەلدە قۇنى 20 000 اەك-تەن (2024 جىلى بۇل 73 840 000 تەڭگە) اساتىن ءىرى ساتىپ الۋلار جاساعان تۇلعالارعا دەكلاراتسيا تاپسىرۋ مىندەتىن ەنگىزۋ ۇسىنىلادى.

ماڭىزدى: دەكلاراتسيانى ەرىكتى تۇردە ۇسىنعان كەزدە دەكلارانتتار 10 000 اەك-تەن اسپايتىن سومادا قولما-قول اقشانى جانە باسقا دا اكتيۆتەر مەن مىندەتتەمەلەردى دەكلاراتسيالاي الادى، بۇل كەيىننەن جەكە تۇلعانىڭ شىعىندارىن راستاۋعا نەگىز بولادى.

ەگەر ازاماتتاردىڭ قولما-قول اقشاسى 10 000 اەك-تەن (2024 جىلى بۇل 36 920 000 تەڭگە) اساتىن بولسا، بۇل قاراجاتتى 2024 جىلدىڭ 31 جەلتوقسانىنا دەيىن بانكتىك شوتتارعا سالۋ قاجەت.

دەكلاراتسيانى قالاي تاپسىرۋعا بولادى؟

دەكلاراتسيانى e-Salyq Azamat ءموبيلدى قوسىمشاسى، «ەلەكتروندىق ۇكىمەت» (egov.kz) پورتالى نەمەسە سالىق تولەۋشىنىڭ كابينەتى (cabinet.salyk.kz) ارقىلى تاپسىرۋعا بولادى.

قوسىمشا اقپارات پەن كونسۋلتاتسيا الۋ ءۇشىن الماتى قالاسى بويىنشا مكد رەسمي Instagram پاراقشاسىنا جازىلىڭىز: @mkdalmaty_dgdalmaty.

الماتى قالاسى، اۋەزوۆ اۋداندىق مەملەكەتتىك كىرىستەر دەپارتامەنتى

Abai.kz