ءبىلىم سالاسىنداعى بيۋدجەت قارجىسىن جىمقىرۋمەن بايلانىستى قىلمىستىق ءىس اياسىندا مەملەكەتكە 1 ملرد تەڭگەگە جۋىق زالال قايتارىلدى. بۇل تۋرالى قر باس پروكۋراتۋراسى حابارلادى.

تۇركىستان وبلىسىنىڭ پروكۋراتۋراسى ماقتاارال اۋدانى ءبىلىم ءبولىمىنىڭ 43 لاۋازىمدى تۇلعالارى مەن جاۋاپتى قىزمەتكەرلەرىنە قاتىستى بيۋدجەت قارجىسىن (2,4 ملرد تەڭگەدەن استام) جىمقىرۋ فاكتىسى تۋرالى ءىستى سوتقا جولدادى.

جىمقىرۋ ءبىلىم سالاسىندا جۇمىس ىستەمەيتىن تۇلعالاردىڭ ەسەپ شوتتارىنا زاڭسىز جالاقى اۋدارۋ ارقىلى جاسالعان.

بۇگىنگى كۇنى كۇدىكتىلەر 333,5 ملن تەڭگە كولەمىندە مەملەكەتكە كەلتىرىلگەن زالالدى قايتاردى، سونداي-اق ولاردىڭ قىلمىستىق جولمەن تابىلعان 649,7 ملن تەڭگەنى قۇرايتىن مۇلىكتەرىنە تىيىم سالىندى.

Abai.kz