امەريكاندىق ساراپشىلار: «رەسەي بەلارۋستى اننەكسيالايدى», - دەيدى. سوندا ورىستىڭ تۇكتى اۋزىنا كەلەسى تۇسەتىن ءبىزدىڭ قازاق بولعانى ما؟!

«جۇرتتىڭ ءبارى بىلەتىن ءبىر اقيقات – رەسەي دە-فاكتو بەلارۋستى اننەكسيالاپ وتىر. ارينە بۇل پروتسەسس ءالى اياقتالماعان بولسا دا، پۋتين بيلىگى مينسك ارقىلى ناتو-نىڭ شىعىس ەلدەرى مەن ۋكرايناعا قاۋىپ توندىرە الاتىن كەزەڭگە جەتتى»، - دەلىنگەن سوعىستى زەرتتەۋ ينستيتۋتىنىڭ (ISW) زەرتتەۋىندە.

ساراپشىلار: «ماسكەۋ ءوزىنىڭ رەۆانشيستىك ماقساتتارىن جۇزەگە اسىرۋ ءۇشىن كورشى ەلدىڭ گەوگرافيالىق، ەكونوميكالىق جانە ادامي رەسۋرستارىن ءوز قالاۋى بويىنشا پايدالاناتىن بولادى. بۇل پروتسەسس ۆلاديمير ءپۋتيننىڭ كەتۋىمەن دە اياقتالمايدى»، - دەيدى.

ولاردىڭ پىكىرىنشە، ەگەمەندىگىن تولىق جوعالتۋ قاۋپى تونگەن بەلارۋس مەملەكەتىنىڭ باعىنۋى - كرەملدىڭ ۇزاق مەرزىمدى ويلاستىرىلعان ستراتەگياسى، ول بارلىق مەملەكەتتىك ارنالار بويىنشا اسكەري، ساياسي جانە ەكونوميكالىق سالالاردا جۇزەگە اسىرىلادى ءھام ناتيجەسىن بەرە باستادى.

«بەلارۋستىڭ دە-فاكتو باعىنۋى، ەگەر ول اياقتالاتىن بولسا، كرەملدىڭ ەرەجەلەرگە نەگىزدەلگەن، بارلىق مەملەكەتتەر ەگەمەندى بولىپ تابىلاتىن حالىقارالىق قۇقىقتىق ءتارتىپتى بۇزۋ جونىندەگى ستراتەگيالىق كۇش-جىگەرىنە زور ۇلەس قوسىپ، ەكىنشى دۇنيەجۇزىلىك سوعىستان كەيىنگى العاشقى تابىستى تۇتاس ەلدىڭ اننەكسيالانۋىنىڭ ءبىر ۇلگىسى بولادى.

كرەمل ءتىپتى، باتىس ۋكرايناعا رەسەيدى سوعىستا جەڭىپ، ناتو-نىڭ شىعىس قاناتىن نىعايتۋعا كومەكتەسەتىن ەڭ قولايلى ستسەناريىندە دە بەلارۋستىڭ اننەكسياسىنا قول جەتكىزە الادى. وقيعانىڭ مۇنداي دامۋى اليانستىڭ شىعىس قاناتىنداعى ەلدەردىڭ قاۋىپسىزدىگىنە ەلەۋلى اسەرىن تيگىزەدى، سەبەبى رەسەي بەلارۋستى ءوز ەكونوميكاسىن قالپىنا كەلتىرۋ ءۇشىن دە، مىسالى، بالتىق ەلدەرى مەن پولشاعا سوققى دايىنداۋ ءۇشىن دە پايدالانا الادى»، - دەپ جازادى ISW.

وسى ورايدا ورىس دەسە، جاتىپ جاستىق، ءيىلىپ توسەك بولاتىن ءبىزدىڭ بيلىك اقىلعا كەلەتىن شاق تۋدى. ويتكەنى، ەلدىڭ 60 پايىزى تازا قازاق تىلىندە سويلەپ جۇرسە دە، استانا مەن الماتىنىڭ شۇلدىرىنە قاراپ، سولتۇستىكتەگى وردالى «جدۋنداردى» العا تارتىپ: «قازاقستان – ورىس ءتىلدى مەملەكەت» دەگەن ءپۋتيننىڭ ءسوزىنىڭ استارىندا سەندەرگە «بەلارۋس تاعدىرى دايىن تۇر» دەگەندى بىلدىرەدى.

ءابىل-سەرىك الىاكبار

Abai.kz