سولتۇستىك قازاقستان وبلىسى بويىنشا ەكونوميكالىق تەرگەۋ دەپارتامەنتى اقتاۋ قالاسى اكىمىنىڭ بۇرىنعى ورىنباسارى تيمۋر سادۋاقاسوۆقا ىزدەۋ جاريالادى. اقپارات قۇقىقتىق ستاتيستيكا جانە ارنايى ەسەپكە الۋ پورتالىنىڭ قىلمىسكەرلەردى ىزدەستىرۋ بولىمىندە جاريالاندى.

اقپاراتقا سايكەس، تيمۋر سادۋاقاسوۆتىڭ وبۋحوۆ تاۋ-كەن بايىتۋ كومبيناتىندا زاڭسىز وندىرۋگە قاتىستى ىسكە قاتىسى بار ەكەنى بەلگىلى. 2024 جىلدىڭ جەلتوقسانىندا سوت ونى كىناسىز دەپ تاپتى، بىراق كەيىن پروكۋراتۋرا اپەللياتسيالىق شاعىم ءتۇسىردى. 2025 جىلدىڭ قاڭتارىندا اپەللياتسيالىق سوت اقتاۋ ۇكىمىن بۇزىپ، سوتتالۋشىلاردى قاماۋدا ۇستاۋ تۋرالى شەشىم شىعاردى.

تەرگەۋ مالىمەتىنشە، وعان وبۋحوۆ تاۋ-كەن بايىتۋ كومبيناتى قوجايىنى ۆيكتور دولگالەۆتىڭ ادۆوكاتىمەن بىرگە شەنەۋنىكتەرگە 225 ميلليون تەڭگە كولەمىندە پارا بەرۋگە يتەرمەلەدى دەگەن ايىپ تاعىلىپ وتىر. اقشا دولگالەۆتىڭ بۇرىنعى سەرىكتەستەرىنە قارسى قىلمىستىق ءىس قوزعاۋ ءۇشىن اۋدارىلۋى كەرەك ەدى.

ەسكە سالايىق، سادۋاقاسوۆ 2019 جىلدىڭ اقپان ايىنان بەرى اقتاۋ قالاسى اكىمىنىڭ ورىنباسارى قىزمەتىن اتقارعان.

Abai.kz