ەلىمىزدە يميدجدىك ءىس-شارالارعا ميلليونداپ قاراجات جۇمسالاتىنى وتىرىك ەمەس. «نە ءۇشىن؟» دەگەن سۇراققا ۇلتتىق ەكونوميكا ۆيتسە-ءمينيسترى ارمان قاسەنوۆ جاۋاپ بەردى.

ۆيتسە-ءمينيستردىڭ سوزىنشە، رەسپۋبليكالىق بيۋدجەتتەن ءيميدجدى ءىس-شارالارعا كەتەتىن شىعىن 0,01 پايىز عانا. قاسەنوۆ مۇنداي ءيميدجدى ءىس-شارالار، ونىڭ ىشىندە ينۆەستيتسيالىق فورۋمدار – الەمدىك تاجىريبەدە كەڭىنەن قولدانىلاتىن نەگىزگى قۇرال ەكەن.

«بۇل ءىس-شارالاردىڭ بەلگىلى ءبىر شەكتەۋلەر اياسىندا ورىندى ەكەنىن ەسەپتەيمىز. بۇعان دەيىن شەتەلدىك ينۆەستيتسيا كولەمى 20 ملرد دوللار ەكەنىن ايتقان ەدىم. ولاردىڭ ءبىر بولىگى وسىنداي ءىس-شارالاردىڭ ارقاسىندا تارتىلىپ وتىر. ينۆەستيتسيا تارتۋ مەن ەكسپورتتى دامىتۋ ءۇشىن 1-دەن 3 ملن دوللار كولەمىندەگى ءىس-شارالاردى وتكىزۋگە تولىقتاي نەگىزدەلگەن», – دەيدى قاسەنوۆ ۇكىمەت وتىرسىنان سوڭ وتكەن بريفينگتە.

ۇلتتىق ەكونوميكا ۆيتسە-ءمينيسترىنىڭ ايتۋىنشا، مۇنداي تاجىريبە كاپيتال مەن ينۆەستيتسيا تارتۋعا، ەلدىڭ ەكسپورت الەۋەتىن ارتتىرۋعا ىقپال ەتەدى.

ەسكە سالا كەتەيىك، وسىعان دەيىن ۇكىمەت وتىرىسىندا قازاقستاندا بيزنەستى قارجىلاي قولداۋ جاڭا دەڭگەيگە كوتەرىلەتىنى ايتىلدى.

سونداي اق پرەمەر-مينيستر ولجاس بەكتەنوۆ كولىك مينيسترىنە ۆوكزالداردىڭ قۇرىلىس جۇمىستارىن اياقتاۋدى تاپسىردى.

Abai.kz