جىل سوڭىنا دەيىن ەلىمىزدە كرەاتيۆتى يندۋستريا قورىمەن قاتار بىرنەشە وڭىردە كرەاتيۆتى حاب قۇرىلادى. بۇل تۋرالى ۇكىمەت باسشىسى ولجاس بەكتەنوۆ ءمالىم ەتتى.

- بىرىنشىدەن، مادەنيەت جانە اقپارات مينيسترلىگى بارلىق مۇددەلى مەملەكەتتىك ورگاندارمەن بىرگە 1 شىلدەگە دەيىن كرەاتيۆتى يندۋستريانى دامىتۋ قورىن قۇرۋى كەرەك. ونىڭ نەگىزگى ماقساتى - ينۆەستيتسيا تارتۋ، جوبالاردى قارجىلاندىرۋ، سونداي-اق وتاندىق شىعارماشىلىق ونىمدەردىڭ ەكسپورتىنا جاردەمدەسۋ بولۋعا ءتيىس. سونداي-اق وڭىرلىك ەرەكشەلىكتەردى ەسكەرە وتىرىپ، شىعارماشىلىق جوبالاردى مەملەكەتتىك قولداۋدىڭ ناقتى شارالارىن ەنگىزۋ قاجەت.

ەكىنشىدەن پرەمەر-مينيستر مادەنيەت جانە اقپارات مينيسترلىگى، ۇلتتىق ەكونوميكا مينيسترلىگى جانە قارجى مينيسترلىگى مەن بارلىق مۇددەلى مەملەكەتتىك ورگانداردىڭ الدىنا جىل سوڭىنا دەيىن 2026-2030 جىلدارعا ارنالعان كرەاتيۆتى سالانى ودان ءارى دامىتۋ تۇجىرىمداماسىن ازىرلەۋ كەرەك.

ۇشىنشىدەن اقمولا، الماتى، جەتىسۋ، باتىس قازاقستان، جامبىل، قاراعاندى، قوستاناي، پاۆلودار وبلىستارىنىڭ اكىمدىكتەرى جىل سوڭىنا دەيىن وبلىس ورتالىقتارىندا كرەاتيۆتى حابتار قۇرۋى قاجەت. ولاردىڭ بازاسىندا كرەاتيۆتى يندۋستريا وكىلدەرى جوبالاردى قارجىلاندىرۋ ءۇشىن ينۆەستورلارمەن ءوزارا ءىس-قيمىل جاسايتىن پارمەندى الاڭدار قۇرىلۋى كەرەك، - دەدى ولجاس بەكتەنوۆ ۇكىمەت وتىرىسىندا.

ۇكىمەت وتىرىسىندا بەلگىلى بولعانداي، بىلتىر كرەاتيۆتى تاۋارلار مەن قىزمەتتەردىڭ الەمدىك ەكسپورتى 250 ملرد دوللاردان اسىپ ءتۇستى.

Abai.kz