دوللارعا شاققانداعى ۇلتتىق ۆاليۋتا باعامى جۇما كۇنى 510 تەڭگە بولسا، بۇگىنگى ساۋدا سەسسياسى بارىسىندا ول 517 تەڭگەگە جەتتى.

«الاڭداۋعا نەگىز بار ما؟ ارينە، جوق. سەبەبى ۆاليۋتا قۇبىلۋى بىزدە عانا ەمەس، الەمدە بولىپ جاتىر. ەڭ باستىسى سابىر ساقتاپ، جاعدايدى باقىلاۋدا ۇستاۋ كەرەك»، دەيدى ەكسپەرت اندرەي چەبوتارەۆ.

سونىمەن قاتار، مۇنداي مەزەتتە ەستە ۇستاۋ كەرەك باستى قاعيدا – دوللار ساتىپ الۋدان اۋلاق بولۋ. ۆاليۋتا قۇبىلۋى كەزىندە ايىرباستاۋ بەكەتتەرىنە جۇگىرۋ – ۇلكەن قاتەلىك. سەبەبى كەز كەلگەن ۋاقىتتا ۆاليۋتا ديناميكاسى كەرى قاراي ويناپ سالا بەرۋى ابدەن ىقتيمال. سوندىقتان ەڭ ابزالى – ءىستىڭ اقىرىن كۇتۋ.

تەڭگەنىڭ بۇلاي قۇنسىزدانۋىنا مۇناي باعاسىنىڭ تومەندەۋى سەبەپ بولدى. Brent ماركالى مۇناي باعاسى 2021 جىلدىڭ تامىزىنان بەرى العاش رەت باررەلىنە 65 دوللاردان تومەندەپ كەتتى. سوڭعى ەكى ساۋدا سەسسياسىندا Brent 11 دوللارعا نەمەسە 14 پايىزعا قۇلدىراعان.

«مۇناي باعاسىنىڭ كەنەتتەن تومەندەۋىنىڭ باستى سەبەبى – اقش-تىڭ ءارتۇرلى ەلدەن كەلەتىن تاۋارلارعا كەدەندىك باج ەنگىزۋىنە بايلانىستى الەمدىك ەكونوميكا ءوسىمىنىڭ باياۋلاۋى»، دەيدى ساراپشىلار.

دەرەككوزى: مىڭ تەڭگە تەلەگرام ارناسى

Abai.kz