سەيسەنبى, 6 مامىر 2025
بيلىك 308 0 پىكىر 5 مامىر, 2025 ساعات 18:35

قازاقستاندا پوليەتيلەن وندىرەتىن زاۋىت سالىنادى

سۋرەت: plastinfo.ru سايتىنان الىندى.

«قازمۇنايگاز» ۇك اق باسقارما توراعاسى اسحات حاسەنوۆ ۇكىمەت وتىرىسىندا پوليەتيلەن ءوندىرۋ زاۋىتىن سالۋ جونىندەگى جوبانىڭ ىسكە اسىرىلۋ بارىسى تۋرالى ايتتى.

ول مەملەكەت باسشىسىنىڭ تاپسىرماسى بويىنشا پوليەتيلەن وندىرەتىن زاۋىت سالۋ بويىنشا جوبانى جۇزەگە اسىرۋ باستالعانىن اتاپ ءوتتى.

وسى جوبامەن بىرگە ەكى ينفراقۇرىلىمدىق جوبا – گاز ءبولۋ كەشەنى مەن ماگيسترالدى قۇبىرلاردى سالۋ ىسكە اسىرىلاتىن بولادى.

«3 جوبانىڭ جالپى قۇنى شامامەن $11 ملرد-تى قۇرايدى، بۇل قمگ مەن سەرىكتەستەردىڭ تىكەلەي ينۆەستيتسيالارى. بۇگىندە بارلىق ينۆەستيتسيالىق شەشىمدەر قابىلداندى. ۇكىمەت قولداۋىنىڭ ارقاسىندا قۇرىلىس نورمالارىنىڭ كەيبىر ارتىق تالاپتارى الىنىپ تاستالدى، ناتيجەسىندە قمگ جانە «پوليەتيلەن» جوباسىنىڭ ينۆەستورلارى قاجەتتى ينۆەستيتسيالىق شەشىمدەردى دەر كەزىندە قابىلدادى. سونىمەن قاتار گاز ءبولۋ كەشەنى جوباسىن قارجىلاندىرۋ – اشىق ماسەلە. قازاقستان دامۋ بانكىمەن قارجىلاندىرۋدىڭ قولايلى شارتتارى قاراستىرىلۋدا»، — دەدى اسحات حاسەنوۆ.

Abai.kz

0 پىكىر

ۇزدىك ماتەريالدار

ادەبيەت

التىن ساندىق

باۋىرجان ومارۇلى 1614
بىلگەنگە مارجان

سەرتىنە بەرىك سامۋراي...

بەيسەنعازى ۇلىقبەك 1760