ۇكىمەت وتىرىسىندا قارجى ۆيتسە-ءمينيسترى داۋرەن كەڭبەيىل مەملەكەتتىك ساتىپ الۋ مەرزىمدەرىن قىسقارتۋ بويىنشا قابىلدانىپ جاتقان شارالار تۋرالى باياندادى. بۇعان دەيىن كونكۋرس وتكىزۋگە جانە ساتىپ الۋ جەڭىمپازىن انىقتاۋعا شامامەن 2 اي ۋاقىت كەتەتىن.

پرەمەر-مينيستر ولجاس بەكتەنوۆ بۇل باعىتتاعى وڭ سەرپىندى اتاپ ءوتتى:
«جىل باسىنان بەرى ءبىز كونكۋرستاردىڭ مەرزىمدەرىن ەداۋىر قىسقارتتىق. ماعان باياندالعانداي، قازىرگى تاڭدا كونكۋرستار ءبىر اپتانىڭ ىشىندە ءوتىپ جاتىر. بۇل راسىندا دا سولاي ما؟»

ۆيتسە-مينيستر جاڭا زاڭناما اياسىندا مەرزىمدەر 10 كۇننەن 5 كۇنگە دەيىن قىسقارتىلعانىن باياندادى.
«جاڭا زاڭعا سايكەس جانە ءسىزدىڭ تاپسىرماڭىز بويىنشا ءبىز قاعيدالاردا مەرزىمدەردى قىسقارتتىق. رەيتينگتىك باللدىق جۇيە بويىنشا مەردىگەر بەس كۇندە تاڭدالىنىپ الىنادى. ال كونكۋرس بويىنشا مەردىگەر ون كۇندە انىقتالادى. ءبىز مەرزىمدەردى قىسقارتۋمەن قوسا، پروتسەستەردى وڭتايلاندىردىق جانە اۆتوماتتاندىرۋ پروتسەستەرىن قوسىپ جاتىرمىز»، — دەدى ول.

پرەمەر-مينيستر مەملەكەتتىك ساتىپ الۋ جۇيەسىن جەتىلدىرۋ جۇمىستارىن جالعاستىرۋدى تاپسىردى.

Abai.kz