قازاقستان رەسپۋبليكاسى كولىك مينيسترلىگى ازاماتتىق اۆياتسيا كوميتەتىنىڭ تاياۋ شىعىستاعى جاعدايعا بايلانىستى حابارلاماسىنا سايكەس، يران، يزرايل، سيريا، يراك، يوردانيا جانە ليۆان اۋماعىندا، اۋە كەڭىستىگىندە جانە وعان جاقىن ايماقتاردا ۇشۋعا تولىق تىيىم سالىنعانىن حابارلايمىز. بۇل شەكتەۋ ارنايى بۇيرىق شىققانعا دەيىن كۇشىندە بولادى.

اتالعان ۆەدومستۆونىڭ نۇسقاۋى وتاندىق اۋە تاسىمالداۋشىلاردىڭ بارلىق تۇراقتى جانە تۇراقسىز جولاۋشىلار، جۇك، سونداي-اق تەحنيكالىق رەيستەرىنە قاتىستى.

وسىعان بايلانىستى تۋريستەردەن جاعدايدى ءجىتى قاداعالاپ، ساپارلارىن، اسىرەسە ءباا مەن پارسى شىعاناعى ەلدەرىنە بارۋدى مۇقيات جوسپارلاۋدى سۇرايمىز.

اتالعان وڭىردەگى احۋال وزگەرگەن جاعدايدا، قازاقستاننىڭ اۆياتسيالىق اكىمشىلىگىنىڭ اۆياتسيالىق قاۋىپسىزدىك دەپارتامەنتى قوسىمشا اقپارات ۇسىنادى.

قر تۋريزم جانە سپورت مينيسترلىگى جاعدايدى ءجىتى باقىلاۋدا ۇستاپ، جاۋاپتى مەملەكەتتىك ورگاندار، ەلشىلىكتەر جانە تۋروپەراتورلارمەن تۇراقتى بايلانىسىپ وتىر. قاجەت بولعان جاعدايدا مينيسترلىك تۋريستىك قامقورمەن جانە اۋەكومپانيالارمەن بىرلەسىپ تۋريستەردى قايتارۋدى قامتاماسىز ەتەدى.

Abai.kz