بۇقارالىق اقپارات قۇرالدارى قىزمەتكەرلەرى كۇنى قارساڭىندا «AMANAT» پارتياسى جۋرناليستەر اراسىندا وتكىزىلەتىن داستۇرلى رەسپۋبليكالىق «AMANAT مەديا سىيلىعىنىڭ» قورىتىندىسىن شىعاردى. بيىل 10 نوميناتسيا بويىنشا 11 جەڭىمپاز انىقتالدى. جالپى، وسى ۋاقىت ارالىعىندا بۇل ماراپاتتى وتاندىق مەديا سالاسىنىڭ 150-دەن استام وكىلى يەلەندى.

«AMANAT» پارتياسى جۋرناليستەر اراسىنداعى وسى رەسپۋبليكالىق بايقاۋدى 16 جىل قاتارىنان وتكىزىپ كەلەدى. وسى جىلدار ارالىعىندا اتالعان ءىس-شارا ەلىمىزدىڭ اقپارات سالاسىنداعى ماڭىزدى وقيعاعا اينالدى. ءماجىلىس سپيكەرى، «AMANAT» پارتياسىنىڭ توراعاسى ەرلان قوشانوۆ بايقاۋجەڭىمپازدارى مەن بۇقارالىق اقپارات قۇرالدارىنىڭ بارشا وكىلىن الداعى كاسىبي مەرەكەلەرىمەن قۇتتىقتادى.

سۋرەت: amanatpartiasy.kz سايتىنان الىندى.

«كەشە عانا مەملەكەت باسشىسى قاسىم-جومارت كەمەلۇلى توقاەۆ بارشا جۋرناليستەر قاۋىمىن قۇتتىقتاپ، مارتەبەلى ماراپاتتار تاپسىردى. پرەزيدەنتىمىز ۇلتتىق مەديا – حالىقتىڭ ءۇنى، ال جۋرناليست جاسامپازدىق جارشىسى ەكەنىن ەرەكشە اتاپ ءوتتى. راسىمەن دە، جۋرناليست – قوعامنىڭ ايناسى، شىندىقتىڭ شىراقشىسى، حالىقتىڭ اماناتىن ارقالاۋشى. مۇنىڭ ءبارى بۇقارالىق اقپارات قۇرالدارىنىڭ قوعامداعى ءرولى مەن الار ورنىن ايقىندايدى. سىزدەر – قوعامدىق پىكىر قالىپتاستىراسىزدار. سوندىقتان سىزدەرگە دەگەن ىقىلاس تا، ءىلتيپات تا، ارتىلاتىن سەنىم دە جوعارى»، – دەدى ول.

سونداي-اق ەرلان قوشانوۆ بۇگىندە «AMANAT» پارتياسى ءوز سايلاۋالدى باعدارلاماسىن جۇزەگە اسىرۋ اياسىندا باق-پەن تىعىز بايلانىستا جۇمىس ىستەپ كەلە جاتقانىن جەتكىزدى. سونىمەن قاتار ول جۋرناليستەردىڭ «جەر اماناتى»، «اۋىل اماناتى»، «قارىزسىز قوعام» جانە وزگە دە پارتيالىق جوبالاردى جۇزەگە اسىرۋعا قوسقان ەلەۋلى ۇلەسىن اتاپ ءوتتى. ونىڭ بارلىعى ازاماتتاردىڭ ناقتى ماسەلەلەرىن شەشۋگە باعىتتالعان.

سۋرەت: amanatpartiasy.kz سايتىنان الىندى.

ءماجىلىس سپيكەرى مەديا سىيلىق ارقىلى پارتيا ەلىمىز ءۇشىن اسا ماڭىزدى ماسەلەلەرگە باق نازارىن اۋداراتىنى اتاپ ءوتتى. بۇل – مەملەكەت باسشىسىنىڭ رەفورمالارى، تاريحي وقيعالار، پارتيالىق جوبالار. بۇل تاقىرىپتار جۋرناليستەرگە ەتەنە جاقىن. بيىل بايقاۋعا 3000-عا جۋىق ءوتىنىم كەلىپ ءتۇستى. بارلىق جۇمىستىڭ تورتتەن ءبىر بولىگى «ەڭبەك ادامى تۋرالى ۇزدىك ماتەريال» نوميناتسياسىنا تيەسىلى. سونىمەن قاتار بيىل العاش رەت ەلىمىزدىڭ ەكولوگيالىق كۇن تارتىبىنە ۇلەس قوسقان جۇرناليستەر ۇشىن «Taza Qazaqstan»ارنايى نوميناتسياسى، سونداي-اق كونستيتۋتسيانىڭ 30 جىلدىعىنا ارنالعان نوميناتسيا تاعايىندالدى. ايماقتىق جۋرناليستيكاعا، سونداي-اق الەۋمەتتىك جەلىلەردە قوعامدىق پىكىر قالىپتاستىراتىن بلوگەرلەرگە ەرەكشە نازار اۋدارىلدى.

وسىلايشا، جىگەر سارسەن «تەلەۆيزيا ۇزدىگى» نوميناتسياسى بويىنشا جەڭىمپاز اتاندى. ونىڭ ايتۋىنشا، «AMANAT» پارتياسى ەل مۇددەسىنە ادالدىق تانىتىپ، جۋرناليستەردىڭ كاسىبي ەڭبەگىن باعالاۋدىڭ جارقىن ۇلگىسىنە اينالعان كونكۋرس وتكىزۋ ارقىلى وتاندىق جۋرناليستيكاعا كوپ جىلجان-جاقتى قولداۋ كورسەتىپ كەلەدى.

سۋرەت: amanatpartiasy.kz سايتىنان الىندى.

ال امانكەلدى قۇرمەت «الاش اماناتى» ارنايى نوميناتسياسىنيەلەندى. ونىڭ ماتەريالى تاريحي جادىنى جاڭعىرتۋعا، ساقتاۋعا جانە ۇلتتىق بىرەگەيلىك تاقىرىبىنا ارنالدى. ونىڭ ايتۋىنشا، بۇل ماراپات – تەك ءبىر ماقالا ۇشىن ەمەس، جالپى ۇلتتىق قۇندىلىقتار ساباقتاستىعىن نىعايتۋعا باعىتتالعان كاسىبي قىزمەتىنە بەرىلگەن جوعارى باعا. ول «AMANAT» پارتياسى ۇلتتىق سانا قالىپتاستىراتىن ماڭىزدى تاقىرىپتارعا جۇيەلى تۇردە قولداۋ كورسەتەتىنىن جانە مۇنداي جۇمىس جۋرناليست كاسىبىنە تەرەڭ ماعىنا بەرەتىنىن اتاپ ءوتتى.

سۋرەت: amanatpartiasy.kz سايتىنان الىندى.

كونكۋرستىق كوميسسيانىڭ شەشىمى بويىنشا، بيىل «AMANAT مەديا سىيلىعىنىڭ» كەلەسىدەي جەڭىمپازدارى انىقتالدى:

1. «ەلىمىزدەگى رەفورمالار تۋرالى ۇزدىك ماتەريال» نوميناتسياسى – «Tengrinews.kz» سايتىنىڭ ءتىلشى-رەداكتورى ارۋجان ءدارىباي;
2. «ەڭبەك ادامى تۋرالى ۇزدىك ماتەريال» نوميناتسياسى – «قازاقستان» رترك» اق دەرەكتى فيلمدەر ديرەكتسياسىنىڭ جەتەكشىسى نۇربەك بەكباۋوۆ;
3. «جاستار تۋرالى ۇزدىك ماتەريال» نوميناتسياسى – «El.kz» ينتەرنەت-پورتالىنىڭ اعا ءتىلشىسى اقمارال سايپبەك;
4. «ايماق تۋرالى ۇزدىك ماتەريال» نوميناتسياسى – «Qyzylorda» تەلەارناسى باس رەداكتورىنىڭ ورىنباسارى بەكزات ەسقاليەۆجانە «سارىارقا» تەلەارناسىنىڭ شەف-رەداكتورى گۇلباقشا اقاجانوۆا;
5. «پارتيا جۇمىسى تۋرالى ۇزدىك ماتەريال» نوميناتسياسى – «31 ارنا» تەلەارناسىنداعى «ينفورمبيۋرو» اقپاراتتىق باعدارلاماسىنىڭ ءتىلشىسى سىمبات بايجوكەنوۆ;
6. «Taza Qazaqstan» – ەكولوگيا مەن قورشاعان ورتانى ساقتاۋ تۋرالى ۇزدىك ماتەريال» نوميناتسياسى – «Azattyq Rýhy» اقپارات اگەنتتىگىنىڭ ءتىلشىسى اياگوز قۇرماش;
7. «زاڭ مەن ءتارتىپ» قر كونستيتۋتسياسىنىڭ 30 جىلدىعىنا ارنالعان ۇزدىك ماتەريال نوميناتسياسى – «قازاق گازەتتەرى» جشس باس ديرەكتورىنىڭ ورىنباسارى قامبار احمەتوۆ.

ارنايى سىيلىق يەگەرلەرى:

1. شەرحان مۇرتازا جانە قامال سمايىلوۆ اتىنداعى «تەلەۆيزيا ۇزدىگى» سىيلىعى – «حابار» تەلەارناسىنداعى «جەتى كۇن» اقپاراتتىق-ساراپتامالىق باعدارلاماسىنىڭ جۇرگىزۋشىسى جىگەر سارسەن;
2. «الاش اماناتى» سىيلىعى – «AIQYN» گازەتىنىڭ باس رەداكتورى امانكەلدى قۇرمەت;
3. «بەلسەندى ازاماتتىق ۇستانىمى ءۇشىن» سىيلىعى – جۋرناليست ارىقوعام قايراتكەرى ءلايلا سۇلتانقىزى.

«AMANAT» پارتياسىنىڭ ءباسپاسوز قىزمەتى

سۋرەتتى تۇسىرگەن: ءالي عالىم، اسىلحان سەيداحمەت

Abai.kz