تۋريزم جانە سپورت ءمينيسترىنىڭ "دوپينگكە قارسى قاعيدالاردى بەكىتۋ تۋرالى" قازاقستان رەسپۋبليكاسى 2014 جىلعى 19 قىركۇيەكتەگى №18 بۇيرىعىنا وزگەرىستەر مەن تولىقتىرۋلار ەنگىزىلدى. 

سپورتتاعى دوپينگ قولدانۋدىڭ الدىن الۋ ماقساتىندا ۇلتتىق دوپينگكە قارسى ۇيىم جاڭارتىلعان تالاپتاردى ۇسىنادى:

• دوپينگتىڭ سپورتشىعا جانە ەتيكالىق قۇندىلىقتارعا تيگىزەتىن زيانى;
• دوپينگ قولدانۋدىڭ دەنساۋلىققا اسەرى;
• دوپينگتى باقىلاۋ ءراسىمى;
• دوپينگكە قارسى كۇرەستە سپورتشىلاردىڭ قۇقىعى مەن مىندەتى، ونىڭ ىشىندە دۇنيەجۇزىلىك دوپينگكە قارسى كودەكس جانە ءتيىستى سپورت ۇيىمدارىنىڭ، دوپينگكە قارسى ۇيىمداردىڭ ساياساتى تۋرالى، سونداي-اق دوپينگكە قارسى ەرەجەلەردى بۇزۋدىڭ سالدارى تۋرالى اقپارات;
• تىيىم سالىنعان زاتتار مەن ادىستەر ءتىزىمى، سونداي-اق تەراپيالىق ماقساتتا دوپينگتى قولدانۋعا رۇقسات بەرۋ;
• تاعامدىق قوسپالار تۋرالى اقپارات.

"دوپينگكە قارسى باقىلاۋ جۇرگىزۋ ماقساتىندا ۇلتتىق نەمەسە جەرگىلىكتى اككرەديتتەلگەن سپورت فەدەراتسيالارى سپورتشىلاردى تەستىدەن وتكىزۋدى ۇيىمداستىرۋ مەن جۇرگىزۋگە جاردەمدەسۋى ءتيىس. اتالعان ءتىزىم ۇلتتىق دوپينگكە قارسى ۇيىم ۇلتتىق نەمەسە جەرگىلىكتى اككرەديتتەلگەن سپورت فەدەراتسيالارىنان الىنعان اقپارات نەگىزىندە جيناقتالادى", – دەلىنگەن قۇجات جوباسىندا.

بۇيرىق 2025 جىلعى 26 شىلدەدە كۇشىنە ەنەدى.

Abai.kz