قوستانايدا Telegram ارقىلى ەسىرتكى ساتقان توپ سوتتالدى، دەپ حابارلايدى qaz365.kz. 

قوستانايدا الەۋمەتتىك جەلى ارقىلى ەسىرتكى تاراتقان ادامدارعا سوت ۇكىمى شىقتى.

تەرگەۋ دەرەكتەرىنە سۇيەنسەك، Telegram مەسسەندجەرىندە Thس Seller اتتى ونلاين-دۇكەن جۇمىس ىستەگەن. ونىڭ ۇيىمداستىرۋشىلارى ەكى مىڭنان استام ادامعا ەسىرتكى ساتىپ، اينالىم كولەمى 100 ملن تەڭگەدەن اسقان. تۇسكەن قارجىنى قولما-قول الۋ ءۇشىن بوتەن ادامداردىڭ اتىنا راسىمدەلگەن بانك كارتالارى پايدالانىلعان.

ءتىنتۋ كەزىندە ءتارتىپ ساقشىلارى 30 كەلىدەن استام ماريحۋانا مەن گاشيش تاركىلەدى. سوت كىنالىلەردى سەگىز جىلعا باس بوستاندىعىنان ايىرىپ، قىلمىستىق جولمەن الىنعان ەكى اۆتوكولىكتى مەملەكەت پايداسىنا تاركىلەۋ جونىندە شەشىم قابىلدادى.

ۇكىم زاڭدى كۇشىنە ەنگەن جوق.

Abai.kz