وسى اپتادا ۇقك شەكارا قىزمەتى الماتى وبلىسى بويىنشا دەپارتامەنتىنىڭ رايىمبەك اۋدانى بويىنشا شەكارا باسقارماسىنا قاراستى قر تۇڭعىش پرەزيدەنتى اتىنداعى شەكارا بولىمشەسىندە التى پاتەردىڭ كىلتىن تاپسىرۋ ءراسىمى ءوتتى. شاراعا الماتى وبلىسىنىڭ اكىمى مارات سۇلتانعازيەۆ، دەپارتامەنت باستىعى پولكوۆنيك الىبەك كايۋپوۆپەن بىرگە اۋدان اكىمى جانە جەرگىلىكتى بيلىك ورىندارىنىڭ وكىلدەرى قاتىستى.

شەكاراشىلارعا ارنالعان تۇرعىن ءۇيدىڭ قۇرىلىسى وتكەن جىلدىڭ قاراشاسىندا باستالعان بولاتىن. 70 شارشى مەتردى قۇرايتىن ءاربىر پاتەر زاماناۋي تالاپتارعا ساي كەلەدى. جالپى سوماسى 124,3 ملن. تەڭگەگە باعالانعان جوبا وبلىس اكىمدىگىنىڭ ەسەبىنەن قارجىلاندىرىلعان.

– بۇگىن ءبىز شەكاراشىلارعا پاتەر كىلتتەرىن تابىستاپ قانا قويماي،  سونىمەن بىرگە مەملەكەت پەن حالىقتىڭ ريزاشىلىعى مەن سەنىمىن ءبىلدىرىپ وتىرمىز. ەل پرەزيدەنتى قاسىم-جومارت توقاەۆ اتاپ وتكەندەي، شەكاراشىلار – مەملەكەتتىلىكتىڭ سەنىمدى تىرەگى. بۇل ۇيلەر – سىزدەردىڭ ادال ەڭبەكتەرىڭىزدىڭ جانە ابىرويلى قىزمەتتەرىڭىزدىڭ ناتيجەسى. جاڭا باسپانا وتباسىلارىڭىزعا بەرىك نەگىز بولىپ، تابىستى بولاشاقتىڭ كەپىلىنە اينالارىنا سەنىمدىمىن، – دەدى وبلىسى اكىمى م.سۇلتانعازيەۆ.

بۇدان ءارى وبلىس باسشىسى شەكارا بولىمشەسىنىڭ وفيتسەرلىك قۇرامى مەن كەلىسىمشارت نەگىزىندەگى اسكەري قىزمەتشىلەرىنە پاتەرلەردىڭ كىلتىن سالتاناتتى جاعدايدا تابىس ەتتى.

ايتۋ كەرەك، سوڭعى ۇلگىدەگى پاتەرلەرمەن تولىققان شەكارا بولىمشەسىنىڭ تاريحى وتكەن عاسىردىڭ 30-شى جىلدارىنان باستالادى. سونداي-اق، تاعى ءبىر ەرەكشەلىگى، ءۇش مەملەكەتتىڭ تۇيىسكەن جەرىندە تۇر. ءحانتاڭىرى تاۋىنىڭ بيىگىنە كوتەرىلۋ ءۇشىن الىستان كەلگەن الپينيستەردى ءبىرىنشى بولىپ ءبىزدىڭ شەكاراشىلار قارسى الادى. ۋچاسكەسىندەگى جاربۇلاق التىن كەنىمەن دە دارالاناتىن شەكاراشىلار جىل باسىنان بەرى 100-دەن اسا شەكارا رەجيمىن بۇزۋشىنى ۇستادى.

وسىلايشا، كەۋدەسىن مىڭجىلدىق جاسىل شىرشالار جاپقان تاۋدىڭ باۋرايىندا وتكەن ءراسىمنىڭ سوڭى جاڭا باسپانالاردىڭ تۇساۋكەسەرىنە ۇلاستى. سول-اق ەكەن، اق جاۋلىقتى اجەلەر شاشۋ شاشىپ، جاڭبىرشا «جاۋعان» تاتتىلەردى وبلىس اكىمى باستاعان مارتەبەلى قوناقتار جيناپ، مارە-سارە بولىسقان. ءيا، بۇل – قازاق حالقىنىڭ ەرتەدەن كەلە جاتقان داستۇرىنە ساي، «اق تۇيەنىڭ قارنى جارىلعانىن» بىلدىرەتىن.

... «نارىنقول» شەكارا ءبولىمىنىڭ باستىعى پودپولكوۆنيك ايدوس ايتاحۋنوۆ بۇقارالىق اقپارات قۇرالدارىنىڭ وكىلدەرىنە بەرگەن سۇقباتىندا، جاڭا عانا كىلتى تاپسىرىلعان جاڭا ۇيلەر وبلىس جانە رايىمبەك اۋدانى اكىمدىگى بىرلەسىپ جۇزەگە اسىرىپ جاتقان شەكارا قىزمەتىنىڭ ينفراقۇرىلىمىن جاقسارتۋ باعىتىنداعى اۋقىمدى جۇمىستاردىڭ ءبىر بولىگى.

– ارينە، بۇعان دەيىن مۇندا اسكەري قىزمەتشىلەرگە ارنالعان تۇرعىن ۇيلەر بولعان، الايدا جاڭا پاتەرلەر قازىرگى زاماننىڭ تالابىنا ساي سالىنعان. بۇگىن التى وتباسى باسپانامەن قامتاماسىز ەتىلىپ، كىلتتەرىن وبلىسى اكىمىنىڭ ءوز قولىنان الدى. وسى جوبانى جۇزەگە اسىرۋعا اتسالىسقان بارلىق ازاماتتارعا شەكاراشىلار اتىنان العىس ايتقىم كەلەدى، - دەدى ا.ايتاحۋنوۆ.

لايىقتى باعاسىن بەرۋ كەرەك، سۋ جاڭا پاتەرلەردىڭ كىلتىن العانداردىڭ قاتارىندا ۇقك شەكارا اكادەمياسىنىڭ بيىلعى تۇلەگى لەيتەنانت نۇرداۋلەت احاتاەۆ تا بار. ەل شەبىندەگى العاشقى قىزمەتىن اتالعان شەكارا بولىمشەسىندە باستاعانىنا كوپ بولماعان جاس وفيتسەر مۇنى ءوزىنىڭ جاس عۇمىرىنداعى ەڭ ءبىر جارقىن وقيعالاردىڭ بىرىنە بالايدى.

جاڭا ۇيلەر جەل وتىندە جۇرگەن شەكاراشىلاردىڭ الەۋمەتتىك جاعدايىن جاقسارتىپ قانا قويماي، ولاردىڭ وزدەرىنە جۇكتەلگەن مىندەتتەرىن اسقان جاۋاپكەرشىلىكپەن اتقارۋعا زور مۇمكىندىك بەرەدى.

تامارا داۋلەتباەۆا،

ۇقك شەكارا قىزمەتىنىڭ زاپاستاعى پودپولكوۆنيگى

Abai.kz