ۋەفا چەمپيوندار ليگاسىنىڭ توپتىق كەزەڭىندەگى ماڭىزدى ويىن 30 قىركۇيەك كۇنى الماتىدا وتەدى.

ال "قايراتتىڭ" اتاعىنان ات ۇركيتىن "رەال مادريدكە" قارسى ماتچىنىڭ بيلەتتەر ساتىلىمى بۇگىن 17:00-دە باستالادى. ءار ويىنعا بيلەتتىڭ باعاسى 30 مىڭنان 250 مىڭ تەڭگەگە دەيىن جەتەدى.

سەكتور بويىنشا باعا مىناداي:

• باتىس تريبۋنا 1-9 سەكتور (1-2 قاتار) – 30 مىڭ;
• سولتۇستىك / وڭتۇستىك تريبۋنالار – 75 مىڭ;
• شىعىس تريبۋنا – 150 مىڭ;
• باتىس تريبۋنا – 250 مىڭ;

ەسكەرتە كەتەيىك، ەرەجەگە ساي، ءبىر ادامعا تەك 2 بيلەتتەن ارتىق ساتىپ الۋعا بولمايدى، بيلەت العان كەزدە مىندەتتى تۇردە جەكە كۋالىك نەمەسە تولقۇجات دەرەكتەرى كورسەتىلۋى ءتيىس. دەرەكتەر ساتىپ الۋ ۋاقىتىندا دا، ستاديونعا كىرگەندە دە مۇقيات تەكسەرىلەدى.

بيلەتتەردى Ticketon پلاتفورماسىندا، FCKAIRAT.COM سايتىندا جانە Qairat Superapp قوسىمشاسىندا ساتىپ الۋعا مۇمكىندىك بار.

Abai.kz