الەۋمەتتىك جەلىدە 1000 تەڭگەلىك بانكنوتتارعا قاتىستى داۋلى كوزقاراس كوبەيگەن سياقتى. ولاي دەۋىمىزگە بەلگىلى جۋرناليست كوسەمالى ءساتتىبايۇلىنىڭ پوستى بولىپ وتىر.

«كەشە مەن العاش رەت كورىپ، ءبىرتۇرلى بوپ قالدىم. ۇمىتىپ كەتكەن كەڭەس وكىمەتى ەسىمە ءتۇستى مە، سول وكىمەتتى ۇمىتا الماي جۇرگەندەردىڭ تىرشىلىگىنە قىنجىلدىم با، ايتەۋىر كوڭىلىم پاسەيىپ، جامان بوپ قالدىم. مەنى قويشى، قاسىمداعى كىشكەنتاي نەمەرەمە كورسەتىپ ەم: – وسى عوي بىزدىكىلەردىكى، – دەپ ول دا كادىمگىدەي مۇڭايىپ قالدى. تەڭگەدەگى باسىمدىققا يە بوپ تۇرعان قىزعىلتىم ءتۇستى، كەۋدەسىن وققا توسقان ءتۇر-ءتۇسى ۇلتىمىزدىڭ باتىرلارىنا ۇقسامايتىن بەلگىسىز جاۋىنگەردى، كسرو-نىڭ «وتان سوعىسى» وردەنىن، تاعى باسقا «اشەكەيلەرىن» تاۋەلسىزدىكتىڭ وتىزىنشى جىلدارى ومىرگە كەلگەن ۇرپاق قابىلداي المادى»، - دەپ جازدى جۋرناليست فەيسبۋكتەگى پاراقشاسىندا.

انىقتاپ قاراپ ەدىك، راسىندا، بانكنوتتار «ءبىرتۇرلى» بەزەندىرىلىپتى. بىزدىڭشە، بۇل – جەڭىس مەرەكەسى (9 مامىر) قارساڭىندا شىعارىلعان مەرەكەلىك بانكنوتتار.

Abai.kz