قاراشانىڭ العاشقى اپتاسىندا ۆاشينگتوندا القا-قوتان جيىن وتەدى. ول جيىن – ورتالىق ازيا – اقش ءسامميتى.

اقوردانىڭ ءباسپاسوز قىزمەتى: «پرەزيدەنت توقاەۆ 6 قاراشا كۇنى ۆاشينگتوندا وتەتىن «ورتالىق ازيا – اقش» فورماتىنداعى سامميتكە قاتىسۋعا شاقىرعانى ءۇشىن پرەزيدەنت دونالد ترامپقا شىنايى ريزاشىلىعىن ءبىلدىرىپ، حات جولدادى»، - دەپ حابارلادى.

پرەزيدەنت توقاەۆتىڭ ايتۋىنشا، پرەزيدەنت ترامپتىڭ بۇل باستاماسى دەر ۋاعىندا كوتەرىلىرىپ وتىرعان باستاما.

«قاسىم-جومارت توقاەۆ دونالد ترامپتىڭ ىشكى جانە سىرتقى ساياساتتاعى نەگىزگى ماقساتتارىن، اتاپ ايتقاندا، اقىل-پاراساتقا نەگىزدەلگەن ءداستۇرلى قۇندىلىقتارعا بەرىكتىگىن، سونداي-اق بەيبىتشىلىك پەن قاۋىپسىزدىكتى قورعاۋعا ۇمتىلىسىن قولدايدى»، - دەدى اقوردا.

مۇنداي شاقىرتۋلار ورتالىق ازيانىڭ وزگە ەلدەرىنە دە (قىرعىزستان، وزبەكستان، تاجىكستان مەن تۇركىمەنستان) جىبەرىلگەن. ال بۇل ءسامميتتىڭ قارساڭىندا اقش پرەزيدەنتىنىڭ ورتالىق ازيا بويىنشا ارنايى وكىلى سەرحيو گور ورتالىق ازيا ەلدەرىنە ساراپلاپ شىقتى.

وسىنىڭ الدىندا پرەزيدەنت قاسىم-جومارت توقاەۆ ۆاشينگتوندا وتەتىن ماڭىزدى جيىنعا ءازىربايجاننىڭ دا قاتىسۋىن ۇسىنعان بولاتىن.

«ورتالىق ازيا + 1» فورماتى – بۇل جاھاندىق گەوساياسي تۋربۋلەنتتىلىك جاعدايىندا ورتالىق ازيا ەلدەرىنىڭ ترانزيتتىك-لوگيستيكالىق پوتەنتسيالىن اشا تۇسكەن اۋقىمدى جوبا. وسىعان دەيىن بۇل فورماتتى رەسەي، قىتاي، تۇركيا، ەو، گەرمانيا، فرانتسيا، وڭتۇستىك كورەي مەن اقش سەكىلدى ەلدەر بەلسەندى قولدانا باستاعان.

گەوساياسي الاعاي دا بۇلاعاي كەزەڭدە الەمنىڭ الپاۋىت ەلدەرى ورتالىق ازيا ەلدەرىمەن ارىپتەستىكتى دامىتۋع،ا ەرەكشە نازار بۇرۋدا. ال ورتالىق ازيانىڭ درايۆەرى سانالاتىن قازاقستان ءۇشىن بۇل ايتارلىقتاي مۇمكىندىك. «ساياسات – قولدان كەلگەندى جاساي ءبىلۋ ونەرى» دەسەك، ەندەشە بۇل مۇمكىندىكتى قازاقستان باسشىلىعى ەل مۇددەسىنە ۇتىمدى پايدالانۋى كەرەك-اق!

Abai.kz