قازاقستان – كيبەرشابۋىل قاۋپى جوعارى دەپ تانىلعان ەلدەردىڭ قاتارىندا. اڭگىمە زيان تىڭشى باعدارلاماسىن قولدانۋ تۋرالى بولىپ وتىر، دەپ حابارلايدى Ulysmedia.kz.

Reuters اگەنتتىگىنىڭ مالىمەتىنشە، وتكەن اپتادا Google مەن Apple ءوز ونىمدەرىن پايدالانۋشىلارعا كيبەرقاۋىپ جايلى جاپپاي ەسكەرتۋ جولداي باستادى. Google بۇل رەتتە قازاقستاندى قاۋىپ دەڭگەيى جوعارى مەملەكەتتەردىڭ ءبىرى رەتىندە اتاپ وتىر.

ەلىمىز Intellexa كومپانياسىنىڭ جاسىرىن تىڭشىلىق باعدارلاماسى قولدانىلعان ەلدەردىڭ تىزىمىندە. جالپى حاكەرلىك ارەكەتتەردەن الەم بويىنشا جۇزدەگەن اككاۋنت زارداپ شەككەن. ولاردىڭ ىشىندە ورتالىق ازيا ەلدەرى – وزبەكستان مەن تاجىكستان دا بار.

وتكەن اپتادا سانكتسيا استىنداعى Intellexa كومپانياسىنىڭ Predator اتالاتىن تىڭشىلىق باعدارلاماسى ءارتۇرلى ەلدەردە قۇقىق قورعاۋشىلاردى، زاڭگەرلەردى جانە جۋرناليستەردى جاسىرىن باقىلاۋ ءۇشىن پايدالانىلعانى بەلگىلى بولدى.

Abai.kz