2026 جىلدىڭ 1 قاڭتارىنان باستاپ ءوزىن-ءوزى جۇمىسپەن قامتىعاندارعا ارنالعان ارناۋلى سالىق رەجيمى قازاقستان رەسپۋبليكاسىنىڭ ازاماتتارى بولىپ تابىلاتىن جانە زاڭدى مارتەبەسى بار جانە كەلەسى شارتتارعا ساي كەلەتىن جەكە تۇلعالارعا (جەكە كاسىپكەرلەر ەمەس) قولدانىلۋى مۇمكىن:

ء1)وزىن-ءوزى جۇمىسپەن قامتىعاندارعا ارنالعان ارنايى سالىق رەجيمى رۇقسات ەتىلگەن ءبىر نەمەسە بىرنەشە قىزمەت تۇرىمەن اينالىساتىندار.

ءوزىن-ءوزى جۇمىسپەن قامتىعاندارعا ارنالعان ارنايى سالىق رەجيمى رۇقسات ەتىلگەن قىزمەت تۇرلەرىنىڭ تىزبەسىن قازاقستان رەسپۋبليكاسىنىڭ ۇكىمەتى بەكىتەدى;

2)قىزمەتكەرلەردى جۇمىسقا المايتىندار;

3)كۇنتىزبەلىك ايداعى تابىسى ءتيىستى قارجى جىلىنىڭ 1 قاڭتارىنداعى جاعداي بويىنشا قولدانىستاعى ايلىق ەسەپتىك كورسەتكىشتىڭ 300 ەسەلەنگەن مولشەرىنەن اسپايتىندار.

ءوزىن-ءوزى جۇمىسپەن قامتىعاندارعا ارنالعان ارنايى سالىق رەجيمىن قولدانۋدىڭ سالىق كەزەڭى كۇنتىزبەلىك اي بولىپ تابىلادى.

تابىس سالىعىنىڭ مولشەرلەمەسى جەكە تابىس سالىعى ءۇشىن 0 پايىزدى جانە الەۋمەتتىك اۋدارىمدار ءۇشىن 4 پايىزدى قۇرايدى. الەۋمەتتىك اۋدارىمداردى ەسەپتەۋ جانە تولەۋ قازاقستان رەسپۋبليكاسىنىڭ الەۋمەتتىك كودەكسىنە جانە «مىندەتتى الەۋمەتتىك مەديتسينالىق ساقتاندىرۋ تۋرالى» قازاقستان رەسپۋبليكاسىنىڭ زاڭىنا سايكەس جۇزەگە اسىرىلادى.

جەكە كاسىپكەرلەر قوعامدىق تەلەكوممۋنيكاتسيالار قامتىلماعان اۋماقتاردا جۇمىس ىستەگەن كەزدە ارنايى ءموبيلدى قوسىمشانى پايدالانۋدى نەمەسە الەۋمەتتىك اۋدارىمداردى دەربەس ەسەپتەۋدى جانە تولەۋدى تالاپ ەتەتىن ارنايى سالىق رەجيمىن قولدانادى.

ابديرايموۆا ارايلىم ابديحالىكوۆنا،

الماتى قالاسى المالى اۋدانى بويىنشا مەملەكەتتىك كىرىستەر باسقارماسىنىڭ باس مامانى

Abai.kz