قر كولىك ءمينيسترى نۇرلان ساۋرانباەۆ ۇكىمەت وتىرىسىندا جۇك تاسىمالداۋ سالاسىن تسيفرلاندىرۋ بويىنشا جۇرگىزىلىپ جاتقان جۇمىستار تۋرالى باياندادى.

ول مەملەكەت باسشىسىنىڭ تاپسىرماسىنا سايكەس Smart Cargo پلاتفورماسى وسى جىلدىڭ قازان ايىندا ىسكە قوسىلعانىن اتاپ ءوتتى. پلاتفورما مەملەكەتتىك ورگانداردىڭ سەرۆيستەرىن بىرىكتىرەدى. بۇگىندە مەملەكەتتىك ورگانداردىڭ 30 سەرۆيسىمەن ينتەگراتسيا اياقتالدى. پلاتفورمانى دامىتۋ شەڭبەرىندە مەملەكەتتىك جانە جەكە سەكتورلاردىڭ تاعى دا 47 قوسىمشا سەرۆيسىن ينتەگراتسيالاۋ جوسپارلانۋدا.

«بۇگىندە جۇكتەردىڭ ورنالاسقان جەرىن باقىلاۋعا مۇمكىندىك بار. جي-كومەكشىلەر پايدا بولدى. سونداي-اق قوسىمشا مەملەكەتتىك قىزمەتتەردى الۋ مۇمكىندىگى قاراستىرىلعان. شەكارادان ءوتۋ ءۇشىن ترانزيتتىك دەكلاراتسيانى اۆتوماتتى تۇردە شىعارۋ قولجەتىمدى بولاتىن "جاسىل ءدالىزدى" ەنگىزۋ بويىنشا جۇمىس جالعاسۋدا»، — دەپ اتاپ ءوتتى نۇرلان ساۋرانباەۆ.

مينيستر سالالاردى تسيفرلىق ترانسفورماتسيالاۋ ناتيجەسى اۆتوجولداردىڭ وتكىزۋ قابىلەتىن 20%-عا ارتتىراتىنىن ايتتى. اۆتوكولىكپەن وتكىزۋ پۋنكتتەرىنىڭ وتكىزۋ مەرزىمى شامامەن 10 مينۋتتى قۇرايدى. جاساندى ينتەللەكت تەحنولوگياسىن ەنگىزۋ پويىزداردى قۇرۋ جانە جوسپارلاۋ ۋاقىتىن 6 ەسە ازايتىپ، اۋەجايلاردا جۇكتەردى وڭدەۋدى 1 ساعاتقا دەيىن قىسقارتادى.

Abai.kz