كولىك سالىعىن ەسەپتەۋ مەن تولەۋ تارتىبىندەگى جاڭالىقتار تۋرالى حابارلايدى.

نەگىزگى وزگەرىستەر:

زاڭدى تۇلعالار ءۇشىن سالىق تولەۋ ءتارتىبى وزگەردى.

اعىمداعى تولەمدەردى ەسەپتەۋ الىنىپ تاستالدى (بۇرىن ءار جىلدىڭ 5 شىلدەسىنە دەيىن تاپسىرىلاتىن).

سونداي-اق، ەگەر مۇلىك سالىعى بويىنشا جالپى سالىقتىق مىندەتتەمەلەردىڭ سوماسى 300 اەك-تەن اسپايتىن بولسا، اعىمداعى تولەمدەردى ەسەپتەۋ جويىلادى. بۇل جاعدايدا سالىق تولەۋشى جىلىنا ءبىر رەت دەكلاراتسيا تاپسىرىپ، سونىڭ ناتيجەسى بويىنشا سالىقتى تولەيدى.

جاڭا ءتارتىپ (زاڭدى تۇلعالار ءۇشىن):

سالىق كەزەڭى بۇرىنعىداي كۇنتىزبەلىك جىل بولىپ قالا بەرەدى (1 قاڭتاردان 31 جەلتوقسانعا دەيىن).

كولىك سالىعى بويىنشا دەكلاراتسيا ەسەپتى جىلدان كەيىنگى جىلدىڭ 31 ناۋرىزىنان كەشىكتىرىلمەي تاپسىرىلادى.

سالىق دەكلاراتسيا تاپسىرۋ مەرزىمىنەن كەيىنگى 10 كۇنتىزبەلىك كۇننەن كەشىكتىرىلمەي تولەنۋى ءتيىس، ياعني 10 ساۋىرگە دەيىن.

كولىك قۇرالدارىنىڭ ساناتى تەحنيكالىق پاسپورتتاعى جۇرگىزۋ قۇقىعى ساناتى بويىنشا ايقىندالادى.

جەڭىل اۆتوموبيلدەر ءۇشىن پايدالانۋ مەرزىمىنە قاراي تۇزەتۋ كوەففيتسيەنتتەرى ەنگىزىلەدى:

0,7 — 10 جىلدان 20 جىلعا دەيىن (قوسا العاندا);

0,5 — 20 جىلدان اسقان جاعدايدا.

2013 جىلعى 31 جەلتوقساننان كەيىن وندىرىلگەن نەمەسە اكەلىنگەن كولەمى 3000 كۋب. سم.-دەن اساتىن جەڭىل اۆتوموبيلدەر ءۇشىن ستاۆكالار الىنىپ تاستالدى.

ەسكى اۆتوموبيلدەرگە سالىق مولشەرلەمەلەرى تومەندەتىلدى:

10 جىلدان اسقان — 30%-عا;

20 جىلدان اسقان — 50%-عا.

فەرمەرلىك جانە شارۋا قوجالىقتارى ءبىر «پيكاپ» تۇرىندەگى كولىك قۇرالى بويىنشا سالىق تولەۋدەن بوساتىلادى.

جاڭا سالىق كودەكسىنەسايكەس، اسىرەسە ەسكى جانە قوزعالتقىش كولەمى ۇلكەنكولىكتەرگە سالىناتىن سالىق ازايادى.

بۇل جاڭالىق ەلىمىزدەگى كولىك يەلەرىنىڭ باسىمبولىگىنە اسەر ەتپەك.

ۇلتتىق ستاتيستيكا بيۋروسىنىڭدەرەگىنشە، قازىر شامامەن 6 ميلليونعا جۋىق كولىكتىركەلسە، سونىڭ 2,5 ميلليونى 20 جىلدان استام ۋاقىتتان بەرى قولدانىستا ءجۇر.

الماتى قالاسى اۋەزوۆ اۋدانى بويىنشا مەملەكەتتىك كىرىستەر باسقارماسى، ودىرىستىك ەمەس تولەمدەر جانە جەكە تۇلعالار ءبولىمى

Abai.kz