ەلىمىزدە الەمدىك دەڭگەيدەگى ەرەكشە مۇناي-حيميالىق كەشەندەر سالىنىپ جاتىر. 

قازاقستاندا مۇناي-گاز حيمياسى ونىمدەرىن ءوندىرۋ كولەمى 12%-عا ۇلعايدى. بۇل تۋرالى ەنەرگەتيكا ءمينيسترى ەرلان اقكەنجەنوۆ ايتتى، دەپ حابارلايدى ۇكىمەتتىڭ ءباسپاسوز قىزمەتى.

ۇكىمەتتىڭ 2025 جىلعى تەرەڭ وڭدەۋ جانە مۇناي-گاز حيمياسى سەكتورىنداعى جۇمىسىنىڭ قورىتىندىسى شىعارىلدى.

مۇناي-گاز حيمياسى سالاسىندا ەكونوميكانىڭ شيكىزاتقا تاۋەلدىلىگىن ارتاراپتاندىرۋعا جانە تومەندەتۋگە ارنالعان دايەكتى باعىت جۇزەگە اسىرىلۋدا. وتاندىق مۇناي-گاز حيمياسى تۇراقتى ەكى تاڭبالى ءوسىم قارقىنىن كورسەتىپ وتىر جانە شيكىزات ەمەس ەكسپورتتىڭ نەگىزگى درايۆەرلەرىنىڭ ءبىرى رەتىندە قالىپتاسۋدا.

"مۇناي-گاز حيمياسىنداعى ءونىم ءوندىرىسىنىڭ كولەمى 12%-عا ءوستى. قازاقستان تەرەڭ وڭدەلگەن پوليپروپيلەن، بەنزول جانە پاراكسيلول سىندى ونىمدەردى سىرتقى نارىقتارعا جۇيەلى تۇردە جەتكىزۋدى باستادى", – دەدى ەرلان اقكەنجەنوۆ.

بەلگىلى بولعانداي، ەلىمىزدە الەمدىك دەڭگەيدەگى ەرەكشە مۇناي-حيميالىق كەشەندەر سالىنىپ جاتىر. اتىراۋ وبلىسىندا پوليەتيلەن زاۋىتىنىڭ بولاشاق پيروليز قوندىرعىسىنىڭ قۇرىلىسى 30%-دان استامىنا ورىندالدى. پاۆلوداردا الكيلات شىعاراتىن كاسىپورىننىڭ قۇرىلىسى باستالدى.

Abai.kz