2025 جىلدىڭ ءۇشىنشى توقسانىندا قازاقستانداعى كەدەيلىك دەڭگەيى 5,3 پايىز بولدى. بۇل الدىڭعى توقسانمەن سالىستىرعاندا ءسال عانا ارتقان كورسەتكىش. سوندا بار-جوعى 0,2 پايىزعا عانا ءوستى، دەپ حابارلايدى Qaz365.kz..

قازاقستاندا تابىسى كۇنكورىسىنە جەتپەيتىن ازاماتتار «كەدەي» ساناتىنا جاتادى. ۇلتتىق ستاتيستيكا بيۋروسىنىڭ مالىمەتىنشە، 2025 جىلدىڭ ءۇشىنشى توقسانىندا ەڭ تومەنگى كۇنكورىس دەڭگەيى ءبىر ادامعا ايىنا 60 878 تەڭگە بولىپ بەلگىلەنگەن.

وسى ۋاقىتتا ەل كولەمىندە 190 484 وتباسىنىڭ تابىسى كۇنكورىس دەڭگەيىنەن تومەن بولعان. بۇل وتباسىلاردا 1 078 660 ادام ءومىر سۇرگەن.

وسىنداي مالىمەتتەر سارالانىپ كەلىپ، 2025 جىلدىڭ ءۇشىنشى توقسانىنىڭ قورىتىندىسى بويىنشا قازاقستانداعى كەدەيلىك دەڭگەيى 5,3 پايىز دەپ انىقتالدى. بۇل كورسەتكىش بيىلعى ەكىنشى توقسانعا قاراعاندا 0,2 پايىزعا جوعارى بولدى (سول كەزدە تابىسى تومەن حالىقتىڭ ۇلەسى 5,1% بولعان).
دەگەنمەن، وتكەن جىلدىڭ وسى كەزەڭىمەن سالىستىرعاندا، ەلدەگى تابىسى تومەن حالىقتىڭ ۇلەسى ازداپ، 0,1 پايىزعا تومەندەدى. ءبىر جىل بۇرىن بۇل كورسەتكىش 5,2% بولعان.

ۇلتتىق ستاتيستيكا بيۋروسىنىڭ دەرەكتەرى بويىنشا:
ءى توقسان — 4,5%
ءىى توقسان — 5,1%
ءىىى توقسان — 5,3%

جالپى جاعدايدى قاراعاندا، كەدەيلىك دەڭگەيى جوعارى، جوقشىلىق كورىپ وتىرعان ءوڭىر — تۇركىستان وبلىسى. مۇندا بۇل كورسەتكىش 9 پايىزعا جەتكەن. سونداي-اق ماڭعىستاۋ وبلىسىندا كەدەيلىك دەڭگەيى 8,2%، ال اباي وبلىسىندا — 7,9% بولعان.

ال ەڭ تومەن كورسەتكىش استانادا تىركەلدى. ەلورداداعى كەدەيلىك دەڭگەيى 2,7% عانا. الماتى قالاسىندا 2025 جىلدىڭ ءۇشىنشى توقسانىندا كەدەيلىك دەڭگەيى 5% بولدى، ال شىمكەنتتە بۇل كورسەتكىش 6,6%.

ۇلتتىق ستاتيستيكا بيۋروسىنىڭ دەرەكتەرىن نازارىڭىزعا ۇسىنامىز:

قازاقستان — 5,3%
اباي وبلىسى — 7,9%
اقمولا وبلىسى — 5,1%
اقتوبە وبلىسى — 4,3%
الماتى وبلىسى — 4,2%
اتىراۋ وبلىسى — 3,3%
باتىس قازاقستان وبلىسى — 4,2%
جامبىل وبلىسى — 5,3%
جەتىسۋ وبلىسى — 7,7%
قاراعاندى وبلىسى — 3,3%
قوستاناي وبلىسى — 3,8%
قىزىلوردا وبلىسى — 5,4%
ماڭعىستاۋ وبلىسى — 8,2%
پاۆلودار وبلىسى — 4,0%
سولتۇستىك قازاقستان وبلىسى — 4,4%
تۇركىستان وبلىسى — 9,0%
ۇلىتاۋ وبلىسى — 5,9%
شىعىس قازاقستان وبلىسى — 3,9%
استانا — 2,7%
الماتى — 5,0%
شىمكەنت — 6,6%

ايتا كەتۋ كەرەك، كەدەي ساناتىنا جاتپايتىن، تاماعىن الۋعا قاراجاتى جوق ازاماتتار دا بار. قازاقستاندا مۇنداي جاعدايدى انىقتايتىن «ازىق-تۇلىك سالعان سەبەتتىڭ قۇنى» دەگەن كورسەتكىش بار. ول ەڭ تومەنگى كۇنكورىس دەڭگەيىنىڭ جارتىسىنا، ياعني 55%-عا تەڭ. 2025 جىلدىڭ ءۇشىنشى توقسانىندا ءبىر ادام «ازىق-تۇلىك سالعان سەبەتتى» 33 483 تەڭگەگە ساتىپ الا العان. اي سايىنعى تابىسى وسىدان تومەن ازاماتتاردىڭ ۇلەسى وتە از — 0,3%، ياعني 10 600 وتباسى نەمەسە 57 889 ادام.

ايتا كەتەيىك، بۇعان دەيىن ەڭ تومەنگى كۇنكورىس دەڭگەيىن ەسەپتەگەندە بۇرىن بارلىق ازىق-تۇلىك تۇرلەرى ەسەپكە الىناتىن. بىراق جەلتوقساندا كەيبىر باسقا ماۋسىمدا وسەتىن كوكونىستەردى ەسكەرىپ، كەيبىر ازىق-تۇلىك تۇرلەرى ەسەپكە الىنباي قالدى. سول سەبەپتى 2025 جىلدىڭ جەلتوقسانىندا ەڭ تومەنگى كۇنكورىس دەڭگەيى ازايعان. بۇل وزگەرىس جىلدىڭ ءتورتىنشى توقسانىندا كەدەيلىك دەڭگەيىنە دە اسەر ەتۋى مۇمكىن.

قازاقستاندىقتاردىڭ تابىسىنا قاراعاندا شىعىنى ءوسىپ كەلەدى. بۇل دا قاراشا حالىقتىڭ جاعدايىن ناشارلاتىپ، جوقشىلىقتى ارتتىرا تۇسەتىنى انىق.

Abai.kz