ءماجىلىس دەپۋتاتى ابزال قۇسپان تانىمال سپورتشىلاردى جوعارى مەملەكەتتىك قىزمەتتەرگە تاعايىنداۋعا قاتىستى پىكىر ءبىلدىردى، دەپ حابارلايدى Prosports.kz.

دەپۋتاتتىڭ ايتۋىنشا، بارلىق سپورتشى بىردەي باسقارۋشىلىق قابىلەت پەن جوعارى ينتەللەكتۋالدىق دەڭگەيگە يە ەمەس.

«بۇل قاتە كادرلىق شەشىم. ەگەر مۇنداي ادامدار باسشىلىق قىزمەتكە كەلسە، ودان ەشتەڭە ۇتپايمىز»، - دەدى ول.

قۇسپان كەي سپورتشىلاردىڭ راديكالدى كوزقاراستارعا تەز ەرىپ كەتۋىن دە ولاردىڭ سىني ويلاۋ قابىلەتىنىڭ تومەندىگىمەن بايلانىستىردى. ونىڭ سوزىنشە، «ولاردى ءبىر نارسەگە وڭاي سەندىرىپ قويادى، ويتكەنى وزدىگىنەن ساراپتاپ، قورىتىندى جاساۋ دەڭگەيلەرى وتە تومەن».

ايتا كەتەلىك، سونداي-اق دەپۋتات سپورتتا جەتىستىككە جەتكەن ادامنىڭ مەملەكەتتىك قىزمەتتە دە ءدال سونداي تابىسقا جەتەتىنىنە سەنبەيتىنىن ايتتى. بۇل مالىمدەمە قوعامدا ءتۇرلى پىكىر تۋدىرىپ جاتىر.

Abai.kz