عالىم قايىرجان. تەمەكى قۇرلى قۇنى جوق قايراندا مەنىڭ ءتىلىم-اي
قازان ايىنىڭ 9-شى جۇلدىزىنان باستاپ، قوعامدىق ورىنداردا تەمەكى تارتتىرماۋ جونىندەگى تالاپ كۇشىنە ەندى. سولاق ەكەن، جۇرت جينالاتىن جەر اتاۋلىنىڭ بارلىعىندا زاڭ تالابىنىڭ ورىندالۋىن قاداعالايتىن توپتار پايدا بولىپ، شىلىم شەگەتىندەردىڭ سوڭىنا شام الىپ ءتۇستى. ناتيجەسى جامان ەمەس. بارلىق قوعامدىق ورىنداردا تەمەكى تارتاتىن ارنايى ورىندار جاساقتالىپ، تالاپتى ورىنداماعان باسشىلارعا 10 مەن 60 ايلىق ەسەپتىك كورسەتكىش مولشەرىندە ايىپ سالىنعالى جاتىر.
«ءتىل تۋرالى» زاڭنىڭ قابىلدانعانىنا، مىنە، 20 جىل بولدى. بىراق، سول زاڭدا اتاپ كورسەتىلگەن تالاپتى ورىنداماعانى ءۇشىن جازالى بولعان جاندى كەزدەستىردىڭىز بە؟! سەبەبى، شىلىمنىڭ يىسىنەن جەرىنگەن بيلىكتەگىلەر ءۇشىن ءتىل تەمەكىدەن ماڭىزدى ەمەس. سوندىقتاندا ولار «ءتىل تۋرالى» زاڭنىڭ ورىندالۋىن تەمەكىمەن كۇرەستەگىدەي دارەجەگە كوتەرە الماي كەلەدى. ويتكەنى، «ءتىل تۋرالى» زاڭنىڭ ورىندالۋىن ءدال تەمەكىمەن كۇرەستەگىدەي باقىلايتىن بولسا، ءدال سونداي تالاپتار قويسا، ءبىرىنشى كەزەكتە وزدەرىنىڭ ايىپتى بولىپ، سوتقا تارتىلارىن ولار بەك جاقسى بىلەدى.
قازان ايىنىڭ 9-شى جۇلدىزىنان باستاپ، قوعامدىق ورىنداردا تەمەكى تارتتىرماۋ جونىندەگى تالاپ كۇشىنە ەندى. سولاق ەكەن، جۇرت جينالاتىن جەر اتاۋلىنىڭ بارلىعىندا زاڭ تالابىنىڭ ورىندالۋىن قاداعالايتىن توپتار پايدا بولىپ، شىلىم شەگەتىندەردىڭ سوڭىنا شام الىپ ءتۇستى. ناتيجەسى جامان ەمەس. بارلىق قوعامدىق ورىنداردا تەمەكى تارتاتىن ارنايى ورىندار جاساقتالىپ، تالاپتى ورىنداماعان باسشىلارعا 10 مەن 60 ايلىق ەسەپتىك كورسەتكىش مولشەرىندە ايىپ سالىنعالى جاتىر.
«ءتىل تۋرالى» زاڭنىڭ قابىلدانعانىنا، مىنە، 20 جىل بولدى. بىراق، سول زاڭدا اتاپ كورسەتىلگەن تالاپتى ورىنداماعانى ءۇشىن جازالى بولعان جاندى كەزدەستىردىڭىز بە؟! سەبەبى، شىلىمنىڭ يىسىنەن جەرىنگەن بيلىكتەگىلەر ءۇشىن ءتىل تەمەكىدەن ماڭىزدى ەمەس. سوندىقتاندا ولار «ءتىل تۋرالى» زاڭنىڭ ورىندالۋىن تەمەكىمەن كۇرەستەگىدەي دارەجەگە كوتەرە الماي كەلەدى. ويتكەنى، «ءتىل تۋرالى» زاڭنىڭ ورىندالۋىن ءدال تەمەكىمەن كۇرەستەگىدەي باقىلايتىن بولسا، ءدال سونداي تالاپتار قويسا، ءبىرىنشى كەزەكتە وزدەرىنىڭ ايىپتى بولىپ، سوتقا تارتىلارىن ولار بەك جاقسى بىلەدى.
جالپى، «ءتىل تۋرالى» زاڭنىڭ تالاپتارىن ورىندامايتىندار قاراپايىم جاندار ەمەس، بيلىكتەگىلەر. ماسەلەن، مەنىڭ ماڭگىلىك پرەزيدەنتىم ورىس كوسەمى پۋتينمەن گالستۋكسىز كەزدەسكەندە، وعان تۇسىنىكتى تىلدە سويلەسكەنىنە مەن قارسى ەمەسپىن. بىراق، ورىستىڭ ەڭ بولماسا، ءبىزدىڭ ءتىلىمىزدىڭ ۇشىنا ورالىپ تۇراتىن بوقتىعىنان حابارسىز ارابتىڭ شەيحىمەن كەزدەسكەندە، انا ءتىلىن ءبىر كىسىدەي-اق بىلەتىن ادام رەتىندە نەگە تۋعان تىلىندە سويلەمەيدى؟ قازاق بولىپ تۋعانىنا ارلانا ما؟! الدە، ەسىكتەگى باسىن تورگە سۇيرەپ، جەكەلەگەن جاعىمپاز وكىلدەرى «شىبىن جانىڭ شىققانشا تاقتان تۇسپەشى» دەپ جالىنىپ، جالپى جۇرتى جايىلىپ جاستىق، ءيىلىپ توسەك بولىپ وتىرعان ۇلتتى مەنسىنبەي مە؟!
تەمەكىگە قارسى ناۋقان باستالعان كۇنى ەڭبەك جانە الۋمەتتىك ساقتاندىرۋ ۆيتسە-ءمينيسترى «قالىپتاسقان داستۇرگە ۇڭىلسەك، ءبىرىنشى باسشىسى تەمەكى تارتپايتىن جەردە ونىڭ قاراماعىندا جۇمىس جاسايتىندار دا شىلىم شەكپەيدى» دەگەن «گەنيالنىي» جاڭالىق اشتى. ەگەر، «ءتىل تۋرالى» زاڭعا دا تۋرا وسى تۇرعىدان قاراساق، پرەزيدەنت قازاقشا سويلەسە... ءبىز ءبارىمىز، اسىرەسە، «نۇر وتانعا» مۇشە بولىپ تابىلاتىن بيلىكتەگىلەر تۇگەلىمەن، سول كىسىنىڭ قاراماعىنداعى جاندار ەمەسپىز بە؟!
كەشە جۇمىسقا كەلە جاتقانىمدا ءبىر وقيعانىڭ كۋاسى بولدىم. باعدارشامدا تۇرعان كولىكتىڭ جۇرگىزۋشىسى تەرەزەسىنەن تەمەكىنىڭ تۇقىلىن سىرتقا تاستاپ جىبەرىپ ەدى، ارتىنان كەلە جاتقان جول پوليتسياسىنىڭ وكىلى قۋىپ بارىپ توقتاتتى دا، تەمەكىسىنىڭ تۇقىلىن تاپتالىپ قالعان جەرىنەن كوتەرۋگە ءماجبۇر ەتتى. شاماسى، سونان سوڭ پروتوكول دا تولتىرىپ تاستادى-اۋ، دەيمىن.
شىركىن-اي، «ءتىل تۋرالى» زاڭدى ورىنداتتىرۋدا دا وسىلاي جۇمىستانار بولساق، قىرۋار قارجى شىعىنداپ، قانشا جىل بويى قۇمعا نەتكەندەي بولعان ەڭبەگىمىز جارتى جىلدا-اق جانار ەدى-اۋ. بىراق، قيىنى وسىناۋ ىسكە قاجەتتى ساياسي شەشىم بولىپ تۇر عوي. ال، ساركوزيمەن مۇناي قۇبىرى جايلى جاسالعان كەلىسىمنەن سوڭ ورىستاردىڭ بىزگە وڭ قاباق تانىتا قويمايتىنىن ويلاسام، ءال-ءازىر مۇنداي شەشىمنىڭ قابىلدانارىنا كۇماندىمىن. سوندىقتاندا، «تەمەكى قۇرلى قۇنى جوق، قايراندا مەنىڭ ءتىلىم-اي» دەپ كۇيزەلەمىن دە...
«قازاقستان» اپتالىعى. 15. 10. 2009
