استانا قالاسىنىڭ پروكۋراتۋراسى قىلمىستىق-اتقارۋ جۇيەسى مەكەمەلەرىندە سوتتالعانداردىڭ ەڭبەگىن ۇيىمداستىرۋ كەزىندە زاڭدىلىقتىڭ ساقتالۋىنا تەكسەرۋ جۇرگىزدى.

تەكسەرۋ بارىسىندا ەڭبەكاقىنىڭ ۋاقتىلى تولەنبەۋى، سوتتالعاندارمەن جەكە ەڭبەك شارتتارىنىڭ دۇرىس جاسالماۋى، سونداي-اق جۇمىسقا تارتىلعان سوتتالعانداردى ەڭبەك زاڭناماسىندا كوزدەلگەن جۇمىس ۋاقىتى نورماسىنان تىس (تاۋلىگىنە 12 ساعاتتان ارتىق) پايدالانۋ دەرەكتەرى انىقتالدى.

— قاداعالاۋ اكتىسى بويىنشا 13 سوتتالعانعا ەڭبەك كودەكسىنىڭ 108-بابىنا سايكەس ۇستەمە جۇمىس ۋاقىتى ءۇشىن ەڭبەكاقى تولەندى. ەڭبەكاقى تولەۋ تالاپتارىن بۇزعانى ءۇشىن جاۋاپتى لاۋازىمدى تۇلعالار اكىمشىلىك قۇقىق بۇزۋشىلىق كودەكسىنىڭ 87-بابى بويىنشا اكىمشىلىك جاۋاپتىلىققا تارتىلدى. سوتتالعانداردىڭ قۇقىقتارىن ساقتاۋعا باعىتتالعان قاداعالاۋ ءىس-شارالارى جالعاسادى، — دەلىنگەن استانا قالاسىنىڭ پروكۋراتۋراسى تاراتقان اقپاراتتا.

Abai.kz