پاۆلودار قالاسىنداعى «Jenimpaz» ۇستەل تەننيسى ورتالىعىندا وتكەن 2007 جىلى تۋعان جانە ودان كىشى سپورتشىلار اراسىنداعى قازاقستان چەمپيوناتى ءوز مارەسىنە جەتتى. بيىلعى دوداعا ەلىمىزدىڭ تۇكپىر-تۇكپىرىنەن 260-تان استام جاس سپورتشى قاتىسىپ، جوعارى دەڭگەيدەگى ويىن ورنەگىن كورسەتتى.

اتالعان جارىستا Nomad Table Tennis Academy شاكىرتتەرى ەرەكشە كوزگە ءتۇسىپ، جوعارى ناتيجەلەرگە قول جەتكىزدى.

اكادەميا ماقتانىشى – چەمپيون مەن جۇلدەگەر

اكادەميا تاربيەلەنۋشىسى قاسىم نۇريسلام جەكەلەي سىندا تاماشا ويىن كورسەتىپ، قازاقستان چەمپيونى اتاندى. ول قارسىلاستارىنان باسىم ءتۇسىپ، ءوزىنىڭ جوعارى دايىندىعى مەن كاسىبي دەڭگەيىن دالەلدەدى.

سونداي-اق تاعى ءبىر Nomad Academy شاكىرتى قادىرالى قابدىلۋاحيتوۆ جەكەلەي سىندا قولا جۇلدەگە يە بولدى. جاس تەننيسشى تۋرنير بارىسىندا تۇراقتى ءارى سەنىمدى ويىن ورنەگىن كورسەتتى.

Nomad Table Tennis Academy – استاناداعى جاس سپورتشىلاردى حالىقارالىق دەڭگەيگە دايىندايتىن زاماناۋي اكادەميالاردىڭ ءبىرى. مۇندا الەمدىك تۋرنيردە تاجىربيەسى بار كاسىبي جاتتىقتىرۋشىلاردىڭ جەتەكشىلىگىمەن جۇيەلى دايىندىق جۇرگىزىلىپ، سپورتشىلاردىڭ تەحنيكالىق، تاكتيكالىق جانە پسيحولوگيالىق دامۋىنا ەرەكشە كوڭىل بولىنەدى. وسى چەمپيوناتتاعى ناتيجەلەر اكادەميا جۇمىسىنىڭ تيىمدىلىگىن تاعى ءبىر مارتە دالەلدەدى.

Abai.kz