«جاستار» تەاترىندا راحىمجان وتارباەۆتىڭ رومانى بويىنشا قويىلعان «سوڭعى ايالداما» قويىلىمى ءوتتى، دەپ حابارلايدى ەلوردا اكىمدىگىنىڭ رەسمي سايتى.

سۋرەت: gov.kz سايتىنان الىندى.

ءىس-شاراعا پروكۋراتۋرا جانە پوليتسيا باسشىلىعى، قر بالا قۇقىقتارى جونىندەگى ۋاكىل دينارا زاكيەۆا، استانالىق پروكۋرور عابيت مۇقانوۆ، استانا قالاسى اكىمىنىڭ ورىنباسارى ەسەت بايكەن، ەلوردالىق پوليتسيا دەپارتامەنتىنىڭ باستىعى مارات تولەباەۆ، سونداي-اق مەملەكەتتىك ورگانداردىڭ، ءبىلىم بەرۋ، مادەنيەت سالاسىنىڭ وكىلدەرى مەن پسيحولوگتار قاتىستى.

جينالعان جاستاردىڭ الدىندا قالا پروكۋرورى عابيت قاسىمبەكوۆ قۇتتىقتاۋ ءسوز سويلەپ، ولاردىڭ ءبىلىمدى، تاربيەلى، ادال ازامات رەتىندەگى رولىنە توقتالىپ، بولاشاقتارىنىڭ جارقىن بولۋىن تىلەدى.

سپەكتاكل جاسوسپىرىمدەرمەن جەكە تاڭداۋ، جاۋاپكەرشىلىك جانە ناشاقورلىققا تارتىلۋدىڭ سالدارى تۋرالى اشىق ديالوگتىڭ مادەني-تانىمدىق الاڭىنا اينالدى.

سۋرەت: gov.kz سايتىنان الىندى.

اكتەرلەردىڭ شەبەر ويىنى ارقىلى كورەرمەندەرگە زاڭ تالاپتارىن ساقتاۋدىڭ جانە سانالى تاڭداۋ جاساۋدىڭ ماڭىزدىلىعى ايقىن كورسەتىلدى.

قويىلىمدى پروفيلاكتيكالىق جانە ءبىلىم بەرۋ باستامالارىنا بەلسەندى قاتىسىپ جۇرگەن ەلوردالىق مەكتەپتەردىڭ 300-گە جۋىق وقۋشىسى تاماشالادى.
كورسەتىلىم «زاڭ مەن ءتارتىپ» قاعيداتى اياسىندا وسكەلەڭ ۇرپاق اراسىندا قۇقىقتىق مادەنيەتتى قالىپتاستىرۋ جانە قۇقىق بۇزۋشىلىقتاردىڭ الدىن الۋ باعىتىنداعى جۇيەلى ۆەدومستۆوارالىق جۇمىستىڭ ءبىر بولىگى بولدى.

Abai.kz