ىشكى ىستەر ءمينيسترىنىڭ ورىنباسارى سانجار ءادىلوۆ اتىراۋ وبلىسىندا وتباسى مۇشەلەرىن ءولتىردى دەگەن كۇدىككە ىلىنگەن ەرلى-زايىپتىنى يندونەزيادان قايتارۋ جاقىن ارادا جۇزەگە اساتىنىن ايتتى.

بۇگىن سەناتتىڭ جالپى وتىرىسىنان كەيىن تىلشىلەر كۇدىكتىلەردى شەتەلدەن قايتارۋ مەرزىمى مەن اتالعان وتباسىنىڭ جولعالعان تاعى ەكى مۇشەسىن انىقتاۋ مۇمكىندىگىنە قاتىستى سۇراق قويدى.

- جاقىن ارادا ەكى كۇدىكتى يندونەزيادان قازاقستانعا جەتكىزىلەدى، ياعني وسى ايدا الىپ كەلەمىز، - دەدى س. ءادىلوۆ.

سونىمەن قاتار ول بۇل وتباسىنىڭ ەكى ەرەسەك بالاسىن ىزدەستىرۋ ءالى جالعاسىپ جاتقانىن ايتتى.

- ارنايى تەرگەۋ توبى قۇرىلدى جانە ولار اتىراۋ وبلىسىندا جۇمىس ىستەپ جاتىر، - دەدى ءمينيستردىڭ ورىنباسارى.

ەسكە سالساق، جانگەلدين اۋىلىندا تۇراتىن وتباسى 2025 جىلدىڭ سوڭىنا بەلگىسىز جاعدايدا جوعالىپ كەتكەن ەدى.

6 قاڭتاردا اتىراۋ وبلىسى اۋماعىنان جوعالعان وتباسىنىڭ ەكى مۇشەسىنىڭ — وتاعاسى ماقسوت قارابالين مەن ونىڭ جۇبايى ءناسىپ وتەشقاليەۆانىڭ دەنەسى سارايدان تابىلدى.

9 قاڭتاردا اتىراۋ وبلىسىندا وتباسى مۇشەلەرىن ءولتىردى دەگەن كۇدىككە ىلىنگەن مارقۇمداردىڭ كۇيەۋ بالاسى سۇلتان سارسەماليەۆ ەكەنى رەسمي تۇردە انىقتالدى.

كەيىن  كۇدىكتىنىڭ يندونەزيادا ۇستالعانى ءمالىم بولدى.

Abai.kz