وسكەمەن قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا وبلىس ورتالىعىنىڭ بۇرىنعى اكىمى، شىعىس قازاقستان وبلىسى اكىمىنىڭ ءبىرىنشى ورىنباسارى جاقسىلىق ومارعا قاتىستى ءىس قارالدى. 

ەكس-شەنەۋنىككە ەكى باپ بويىنشا ايىپ تاعىلىپ وتىر: "الاياقتىق" جانە ء"ىرى كولەمدە پارا الۋ". پروكۋرور ايىپتاۋ اكتىسىن ەكى ەپيزود بويىنشا وقىدى.

ء"بىرىنشى ەپيزود جاقسىلىق وماردىڭ وسكەمەن اكىمى بولعان كەزىندە بولعان. ايىپتاۋ نۇسقاسىنا سايكەس، تەرگەۋ بارىسىندا جابىرلەنۋشى دەپ تانىلعان ادامنان قالالىق كاسىپورىنداردىڭ بىرىنەن ماتەريالدىق كومەك رەتىندە اۆتوكولىك الۋ ءۇشىن ءوتىنىش راسىمدەۋدى سۇراعان. ول ءوتىنىشتى ورىنداپ، 2021 جىلى شىققان Toyota Camry 75 كولىگىن العان. كەيىن جابىرلەنۋشى كولىكتى قالا اكىمدىگىنە اكەلىپ، كىلتىن تاپسىرعاننان كەيىن ونى قايتا كورمەگەن. ۋاقىت وتە كەلە كولىك ءۇشىنشى تۇلعاعا راسىمدەلىپ، trade-in باعدارلاماسى ارقىلى جاڭا ۇلگىگە اۋىستىرىلعان، ونى ايىپتالۋشى پايدالانعان. وسىلايشا جابىرلەنۋشىگە 13 ميلليون تەڭگە كولەمىندە شىعىن كەلگەن. بۇل ەپيزودقا سايكەس، جاقسىلىق ومار قر قك 190-بابى 3-بولىگى 1, 2-تارماقتارى ء(ىرى كولەمدەگى الاياقتىق) بويىنشا ايىپتالىپ وتىر. سوت وتىرىسىندا جابىرلەنۋشى شىعىن تولىق وتەلگەنىن ايتىپ، ەشقانداي شاعىمى جوق ەكەنىن مالىمدەدى", – دەپ جازىلعان ماتەريالدا.

ەكىنشى ەپيزود بيىلعى اقپان ايىنىڭ باسىندا بولعانى ايتىلعان. ءىس ماتەريالدارى بويىنشا جاقسىلىق ومار قالا اكىمدىگى قىزمەتكەرىمەن كەزدەسۋدە 20 ميلليون تەڭگە اكەلۋىن ايتقان. ايىپتالۋشى بۇل تالاپ ەمەس، ءوتىنىش بولعانىن ايتادى. بىراق ايىپتاۋشى تاراپ مۇنى قامقورلىق كورسەتۋ ءۇشىن پارا الۋ ارەكەتى دەپ باعالادى.

اكىمدىك قىزمەتكەرى ۇلتتىق قاۋىپسىزدىك كوميتەتىنە جۇگىنگەن. ارنايى قىزمەتتىڭ باقىلاۋىمەن ول جاقسىلىق ومارمەن قايتا كەزدەسىپ، اقشانى ءبولىپ بەرۋدى ۇسىنعان، ال ايىپتالۋشى بۇعان كەلىسكەن. سول كۇنى ءۇشىنشى تۇلعا ارقىلى كۇدىكتىگە 6 ميلليون تەڭگە قولما-قول اقشا بەرىلگەنى جازىلعان. ۇستاۋ كەزىندە كۇدىكتىنىڭ ۇيىنەن جانە جۇمىس ورنىنان 5,6 ميلليون تەڭگە انىقتالدى.

باق-تىڭ جازۋىنشا، سوتتالۋشى كىناسىن تولىق مويىندادى. ونىڭ قورعاۋشىلارى باس بوستاندىعىنان ايىرۋمەن بايلانىستى ەمەس جازا تاعايىنداۋدى سۇرادى. ولاردىڭ ايتۋىنشا، كۇدىكتىنىڭ تۋىستارى ايىپپۇل تولەۋگە قاجەتتى قاراجاتتى جينادى. تولەم قابىلەتىن راستاۋ ءۇشىن شوتتا 112 ميلليون تەڭگە بار ەكەنى كورسەتىلگەن قۇجات ۇسىنىلدى.

ەندى كەلەسى سوت وتىرىسى 26 ناۋرىزعا بەلگىلەنىپ وتىر.

Abai.kz