ۇلىستىڭ ۇلى كۇنى – ناۋرىز مەيرامىندا ەلىمىزدىڭ ءىرى قۇرىلىس كومپانيالارىنىڭ ءبىرى RAMS Almaty ەكى بىردەي تۇرعىن ءۇي كەشەنىنىڭ تۇساۋىن كەستى. وسىلايشا الماتىداعى RAMS GARDEN جانە RAMS CITY كەشەندەرىندەگى 6 مىڭعا جۋىق تۇرعىن ءۇشىن قوس قۋانىش ەسەلەندى، دەپ حابارلايدى Todayinfo اقپارات اگەنتتىگى.

جاڭا قونىس يەلەرى مەن شارا قوناقتارىنا ارناپ اۋقىمدى مەرەكەلىك باعدارلاما ۇيىمداستىرىلدى. وندا قازاقتىڭ ۇلتتىق ويىندارى ويناتىلىپ، كونتسەرتتىك باعدارلاما ۇسىنىلدى، سونداي-اق تۇرعىندار ۇلتتىق تاعامداردان ءدام تاتىپ، باعالى سىيلىقتار مەن اقشالاي سىياقىلار ۇتىسىنا قاتىستى.

مەرەكەلىك شارادا ۇلتتىق داستۇرلەرگە ەرەكشە كوڭىل ءبولىندى. قادىرلى اقساقال اق باتاسىن بەرسە، ەڭ جاس تۇرعىنداردىڭ تۇساۋى كەسىلىپ، جوبانىڭ مادەني قۇندىلىقتارمەن جانە ۇرپاقتار ساباقتاستىعىمەن بايلانىسى ايشىقتالا ءتۇستى.

«بۇگىن، بۇكىل قازاق حالقى ءۇشىن قاسيەتتى ناۋرىز مەيرامىندا ءبىز RAMS GARDEN جانە قازاقستاننىڭ ەڭ ءىرى تۇرعىن ءۇي كەشەنى – RAMS CITY تۇرعىندارىن رەسمي اشىلۋىمەن قۇتتىقتاۋعا قۋانىشتىمىز. ءبىز جاي عانا ادامدار تۇراتىن نىساندى ەمەس، تولىققاندى ءومىر باستالىپ، جاڭا قوعامداستىق قالىپتاساتىن جاڭا كەزەڭنىڭ ەسىگىن اشىپ وتىرمىز. بۇل ءۇي باقىت، بەرەكە جانە وتباسىلىق جىلى ساتتەردىڭ مەكەنى بولسىن. ءار شاڭىراققا شاتتىق، ءار اۋلاعا قۋانىش، ال ءار تۇرعىنعا ەرتەڭگى كۇنگە دەگەن سەنىمدىلىك تىلەيمىن. RAMS Almaty كومپانياسىنىڭ اتىنان سەنىمدەرىڭىز ءۇشىن العىس ايتامىن. شاڭىراعىڭىز شاتتىققا تولسىن!» — دەدى باس ديرەكتوردىڭ ورىنباسارى ەركىن بايباتىروۆ.

RAMS CITY – شامامەن 5000 وتباسى تۇراتىن قازاقستانداعى ەڭ ءىرى تۇرعىن ءۇي كەشەنى. ونىڭ ءبىرىنشى كەزەگىنە تۇرعىندار ەكى جىلدان استام ۋاقىت بۇرىن قونىستانعان. كەشەن دامىعان ىشكى ينفراقۇرىلىمىمەن، جەكە بۋلۆارىمەن، جەراستى پاركينگىمەن جانە تەرراساسى بار پاتەرلەرىمەن ەرەكشەلەنەدى. 2024 جىلى قازقسعزي (كازنيسا) كەشەننىڭ 9 باللدىق جەر سىلكىنىسىنە توزىمدىلىگىن سىناق ارقىلى راستادى. كەشەن اۋماعىندا «بايتەرەك» مەكتەبى جۇمىس ىستەپ تۇر، سونىمەن قاتار بالاباقشا قۇرىلىسى ءجۇرىپ جاتىر.

سۋرەت: todayinfo.kz.

ال RAMS GARDEN «جاسىل باق» تۇجىرىمداماسىمەن سالىنعان. تولە بي مەن شىعىس اينالما اۆتوجولىنىڭ قيىلىسىندا ورنالاسقان كەشەننەن تاۋ مەن كوكتوبەگە اسەم كورىنىس اشىلادى. جوبانىڭ باستى ارتىقشىلىقتارىنىڭ ءبىرى – قۇرىلىس تىعىزدىعىنىڭ ازدىعى جانە شاتىردا گلەمپينگ ايماعىنىڭ بولۋى.

سۋرەت: todayinfo.kz.

ايتا كەتەيىك، RAMS Almaty نارىقتا 29 جىلدان استام ۋاقىت جۇمىس ىستەپ كەلەدى. وسى ۋاقىت ىشىندە 60-تان استام جوبانى جۇزەگە اسىرىپ، 20 000-نان استام پاتەر جانە 4 ملن شارشى مەترگە جۋىق جىلجىمايتىن مۇلىك سالدى. Forbes Kazakhstan دەرەگى بويىنشا، كومپانيا 2023 جىلى پايدالانۋعا بەرىلگەن تۇرعىن ءۇي كولەمى بويىنشا ەلىمىزدىڭ قۇرىلىس كومپانيالارى اراسىندا 2-ورىنعا يە.

Abai.kz