كەشەگى مەن بۇگىنگىدە ءىلياس جانسۇگىروۆتى بىلمەيتىن قازاق جوق دەسەك ارتىق ايتپاعان بولار ەك. قازاق ادەبيەتىنىڭ قۇلاگەرى، كوركەم ءسوزدىڭ حاس شەبەرى – ءىلياس جانسۇگىروۆ يران ادەبيەتىنىڭ XX عاسىرىنىڭ باسىنداعى ءىرى اقىنى – لاحۋتي ابىلقاسىمنىڭ (عاسەم) 1918 جىلى جازىلعان «يران قىزىنا» دەيتىن ولەڭىن اۋدارعان ەكەن...

وسىدان 108 جىل بۇرىن جازىلعان بۇل شىعارما بۇگىنگى اياتوللا رەجيمىندە ءومىر ءسۇرىپ جاتقان يران ايەلدەرىنىڭ، قىزدارىنىڭ عۇمىرىن بەينەلەپ تۇرعانداي...

يران قىزىنا

جىبىرلا جەل، جىبىرلا،

كەتەمىسىڭ يرانعا؟

وندا بارساڭ سىبىرلا

يران قىزى – باھرامعا:

«تاۋدان ارمان نۇرلى، كەڭ،

بولدىم وزبەكستاندا.

ەڭبەك ەركىن، ادام تەڭ،

ەزگىندىك جوق ھەش جانعا.

جاتىر جاساپ جاڭا ءومىر،

ءومىر ءوزى-پىلاندا.

قىز بەتىنەن قاراقاپ

ءتۇستى ۇقساعان زىندانعا.

تاڭەرتەڭگى كۇلگەن گۇل

شىقتى كۇنگە، قالماستان

پارانجالى تۇماندا

قۋانىشتىڭ قۇيىنى

سوقتى ويناقتاپ سول كۇنى،

سونداعى ءبىر ادامعا

قۋانباعان جالعىز مەن

ءتيدى اۋىر جاراما.

ءتۇستى ەسىمە سول شىعىس،

سەن سىقىلدى سورلى قىز،

تۇتقىن ءالى قۇرانعا.

تۇنشىقتىم دا توكتىم جاس...

ويلاپ سەنى تۇرعاندا!...»

جەل، جەل، ماعان بەرشى دەم،

جورىق جىرىن جىرلارعا

تاجىك قىزى سىلتەر ءجون

يرانداعى قىزدارعا.

وزبەك قىزى بولار دەم

ازاتتىققا شىعارعا.

Abai.kz