«اق جولدىڭ» ساۋالى  باس پروكۋرور ب. اسىلوۆقا

ۇلتتىق قاۋىپسىزدىك كوميتەتى توراعاسى ە.ساعىمباەۆقا

وسىدان 3 جىل بۇرىن دا ءبىز وسى پارلامەنتتە  ءدىني تەرىس اعىمدارعا زاڭمەن تىيىم سالۋ تۋرالى  كوتەرگەنبىز. سودان بەرى نە بولدى، ناتيجە قايدا؟ قايتا تەرىس اعىمدار ودان بەتەر كۇشەيىپ بارا جاتقانىن كورىپ وتىرمىز.

وتكەندە ەلدى شۋلاتقان ەكى كەلەڭسىز جايتتى جاقسى بىلەسىزدەر. ونىڭ بىرەۋى قازاقتىڭ قاسيەتتى مەيرامى ءاز ناۋرىزعا قارسى قارا نيەتتى بىرەۋدىڭ قاتتى شابۋىلى! ەكىنشىسى، وزىنە ۇناماعان ايەلىن ات اۋىستىرعانداي كوڭىلى قالاعان ادامعا سىيلاي سالعان  اتىشۋلى يمام.

كەشە عانا اقتوبەدە سوتتالۋشىلاردىڭ ايەلدەرى سوتقا نيقابپەن كەلدى.
«ولاردى سول بەتتەرىن بۇركەگەن كۇيى سوت عيماراتىنا كىرگىزدى. نيقابپەن وتىرىپ، سوتتالۋشىنىڭ زاڭدى وكىلى بولۋعا رۇقسات ەتىلدى. ەسكەرتۋ جاسالمادى» دەپ جازادى  Ulysmedia.kz. قوعامدىق ورىندا  بەتتى بۇركەمەلەگەن كيىم كيۋگە تىيىم سالعان  زاڭ قايدا؟ زاڭ ساقتالۋى ءتيىس  سوت عيماراتىندا قارا جامىلعاندار قاپتاپ جۇرسە، باسقا جەردە باسقا شىقپاعاندا قايتەدى؟

ءيا، بەرىك ۇستانىم بولماعاندىقتان، ىشكى تۇتاستىقتىڭ ءىرۋى ۇلتتىقۇستىنىمىزدىڭ شىرۋىنە جەتكىزبەك.  ال ول ۇلتتىق قاۋىپسىزدىك ماسەلەسى ەكەنىن باسىمىزدان وتكەن قاسىرەتتەر ايقىن كورسەتتى.

اۋىر  قاسىرەتتى باستان كەشىرىپ وتىرىپ، ساباق الۋدىڭ ورنىنا ساناق الىپ وتىرا بەرۋ قاشانعى جالعاسادى؟!.

ءبىز قوعامداعى وتە كۇردەلى ماسەلەگە اينالعان بۇل كەسەپاتتىڭ كۇندە، ءار ۇيدە، ءار وتباسىدا كەزدەسۋىن كۇتىپ, قاراپ  وتىرا بەرەمىز بە؟ قازىردىڭ وزىندە كەش قالعانىمىز ايقىن. بىراق كەش قالساق تا، ەش قالماۋ ءۇشىن ەندى زاڭدى قارەكەتكە باتىل كىرىسۋ كەرەك!

ۇلتتىق ۇعىمعا قارسى جەلىدە جەلپىنىپ وتىرعانداردىڭ تامىرىمىزدى جەگىقۇرتتاي جەپ جاتقانىنا ەشكىم دە كولدەنەڭ كورەرمەن بولىپ وتىرا المايدى، ءبارىمىز دە ەرتەڭ تاقسىرەتىن تارتۋىمىز مۇمكىن.

سوندىقتان اتازاڭىمىزعا ايقىن جازىلعان  مەملەكەتتىڭ زايىرلى بولۋى قايىرلى بولارىن ناقتى ىسپەن كورسەتۋىمىز كەرەك.

1.ناۋرىزعا، ۇلتتىق داستۇرىمىزگە، ۇلتتىق ۇعىمىمىزعا قارسىلىق - ۇلتقا، مەملەكەتكە اشىق قارسى شابۋىل! 

ەندەشە ءبىز نەگە قازاققا قارسى اشىق شابۋىلعا  قول قۋسىرىپ،  قاراپ وتىرۋىمىز كەرەك؟!.

الەۋمەتتىك جەلىلەردە قازاققا قارسى تەرىس پيعىلدىلار ءاربىر:

-ۇلتتىق مۇددەگە قارسىلىق،

-ۇلتتىق تۇتاستىققا ىرىتكى سالۋ،

-ۇلتتىق ۇستانىمداردى جوققا شىعارۋ،

-يسلامنىڭ ءداءستۇرلى حانافي مازحابىنا تاس اتۋ,

-ۇلتتىق مۇددەنى قورعاپ جۇرگەن قوعامدىق، رۋحاني ۇلت قايراتكەرلەرىنە كۇيە جاعۋ ارقىلى قوعامعا ىقپالى زور ءتالىمدى تۇلعالىق ينستيتۋتتى ىدىراتۋ ارەكەتتەرىن جاساۋدا. وسىنداي ەلگە تيگىزەر ەسەپسىز پاندەميالىق ىلاڭى  شەكتەۋسىز ەكءى اياقتى ۆيرۋستار الدىندا ۇلتتىق اقپاراتتىق قاۋىپسىزدىگىمىز دارمەنسىزدىك تانىتۋدا. سوندىقتان، ەل تۇبىنە جەتەر قاۋىپتى ىندەتكە شۇعىل زاڭمەن قاتاڭ توسقاۋىل قوياتىن كەز جەتتى!

سولاردىڭ كەسىرىنەن ۇلتىنان، ءداستۇرلى دىنىنەن بەزگەندەر، يمان كەلتىرىپ، ءارۋاق تەربەگەن اتا-باباسىن اقىماق، اكە-شەشەسىن ايكاپىر كورگەندەر ءوز تامىرىن ءوزدەرءى وتاپ جاتقاندارىن سەزبەيتىندەر!

2.ۇلتتى ۇيىستىراتىن، جۇرتتى كوركەم مىنەزدى يماندىلىققا شاقىراتىن ۋاعىزدىڭ ورنىنا ۋ اعىزىپ، ۇلتقا قارسى شىعىپ  وتىرعانداردى قالاي ۇستاز دەۋگە بولادى؟  ۋاعىزدى كىم كورىنگەن ايتۋ قاشان توقتايدى؟ ولارعا قازاقستان ءدىني مۇسىلماندارى باسقارماسى قانداي شەشىم، قانداي ءباتۋا شىعارىپ وتىر؟

ءتىپتى ەڭ قاسيەتتى بولىپ سانالاتىن اسىل ءدىنىمىز يسلامدى ەڭ قاۋىپتى اعىمعا اينالدىرۋ ءۇشىن بارىن سالىپ جاتقاندار قازىر قايتادان كۇشەيىپ كەلەدى. تەرىسىن اۋىستىرىپ العان تەرىس اعىمداعىلار ەلدى ەكىگە ءبولىپ، مىلتىقسىز مايداندا مىڭداعان جاستارىمىزدى قازاقتىڭ قاتارىنان شىعارىپ قانا قويماي، ۇلتتى جويۋ ءۇشىن قازاققا قارسى قاۋىپتى كۇشتەرگە اينالدىرىپ جاتىر.

3.باتىستىڭ وزىندە،  مىسالى يسپانيادا حالىقتىڭ ءداستۇرلى ءدىني سەنىمىن قۇرمەتتەپ، قۇرانعا، مۇحاممەد پايعامبارعا تيىسكەندەردى زاڭدى تۇردە تۇرمەگە جاۋىپ جاتىر. ال ءبىزدىڭ قۇدايدان قورىقپايتىندارجەلىلەردە جەلىگىپ، اسا قۇدىرەتتى اللانى، قاسيەتتى قۇرانىمىز بەن پايعامبارلاردى مازاق ەتءىپ، اۋىزدارىنا كەلگەنىن ايتۋدا? يسلامعا قارسى بەلسەندىلىك تانىتىپ، ۇلتتىق ساناعا مانيپۋلياتسي جاساۋعا تىرىسىپ، ءدىني سەنىم مەن قۇندىلىقتارعا كۇمان تۋعىزۋدا.

اكەسى ءتاڭىرشى، ۇلى ۋاحابيست، كەلىنى كريشنايت، قىزى يەگوۆانى يەكتەپ جۇرگەن وتباسىلاردىڭ تراگەدياسىن كورىپ وتىرىپ، ەندى كىمگە قاراپ،كىمنىڭ ءباتۋاسىن كۇتىپ وتىرمىز؟

جالپى ەلىمىزدە راديكالدى دەپ تانىلعان سالافيزم مەن ۋاحابيزم جانە سونىمەن قاتار يەگوۆا كۋاگەرلەرى، باحاي سەنىمى، كريشنايتتەر جانە تب تەرىس اعىمداعى سەكتالار ءورىپ ءجۇر.

 ەلىنە بارلىق ءدىني اعىمداردى كىرگىزگەن كوپ ءدىندى, بيلەۋشىلەرى مەن كۇزەتشىلەرىنە دەيىن كوپ ءتىلدى ەلدەر كارتادان جويىلىپ كەتتى! ءبىزدىڭ ەل بۇدان ساباق الا ما، جوق پا؟

4.راديكالدى ءدىني اعىمدارعا زاڭمەن تىيىم سالۋ – ۇلتتىق قاۋىپسىزدىك ماسەلەسى.

مەملەكەت ەڭ الدىمەن ۇلتتىق قاۋىپسىزدىكتى قورعاۋعا مىندەتتى.

بىرىنشىدەن، راديكالدى ۇيىمدار قوعام تۇراقتىلىعىنا قاۋىپ ءتوندىرەدى، ەلگە ىرىتكى سالادى.

ەكىنشىدەن، مەملەكەت ءوز ازاماتتارىنىڭ قاۋىپسىزدىگىن قورعاۋعا مىندەتتى.

ول ءۇشىن قوعامدىق تۇراقتىلىقتى ساقتاۋ كەرەك.

بۇل – مەملەكەتتىڭ نەگىزگى فۋنكتسيالارىنىڭ ءبىرى.

ۇشىنشىدەن، ەگەر مەملەكەت مۇنداي قاۋىپتەرگە قارسى ارەكەت ەتپەسە، بۇل الەۋمەتتىك قاقتىعىستارعا; ەكسترەميستىك ارەكەتتەرگە;  قوعامدىق تۇراقسىزدىققا الىپ كەلەدى.

قاۋىپ ءتونىپ تۇرعاندا زاڭ ارقىلى شارا قولدانۋ – ەڭ دۇرىس شەشىم.

تورتىنشىدەن، زاڭمەن تىيىم سالۋ – بۇل بوستاندىقتى شەكتەۋ ەمەس، قاۋىپتىڭ الدىن الۋ.

بۇل - دىنگە قارسى ەمەس، كەرىسىنشە، ءدىندى قورعاۋ ءۇشىن تەرىس ماقساتتى ۇيىمدارعا قارسى باعىتتالعان شارا.

سوندىقتان ءدىني راديكاليزمگە قارسى ساياسات – كەز كەلگەن قۇقىقتىق مەملەكەتتىڭ قاۋىپسىزدىك ستراتەگياسىنىڭ ماڭىزدى بولىگى.

بۇل مۇحيتتا اداسقان كەمەنىڭ سوڭعى SOS دابىلى!!!

بۇل ءبىزدىڭ سوڭعى  مۇمكىندىگىمىز...

بۇدان كەيىن كەش بولادى!

قۇرمەتپەن، «اق جول» فراكتسياسى دەپۋتاتتارى. 

Abai.kz