ەلورداداعى LRT 16-17 مامىر كۇندەرى ىسكە قوسىلىپ، جولاۋشىلار تاسىمالىن باستايدى. بۇل تۋرالى «City Transportation Systems» جشس باسقارما توراعاسى اسىلبەك دۇيسەباەۆ مالىمدەدى. 

ۇزىندىعى 22,4 شاقىرىم بولاتىن العاشقى جەلى 18 ستانتسيانى قامتيدى. پويىزدار كۇن سايىن 06:00-دەن 23:00-گە دەيىن 5–6 مينۋت ارالىقپەن قاتىنايدى. ال ءبىر شەتكى ستانتسيادان ەكىنشىسىنە دەيىنگى جول شامامەن 40 مينۋتتى الادى.

جول اقىسى — 200 تەڭگە. تولەمدى بانك كارتالارى، Apple Pay, Samsung Pay, Kaspi جانە Halyk قوسىمشالارى ارقىلى QR-كودپەن، سونداي-اق ءبىر رەتتىك بيلەتپەن جاساۋعا بولادى. وقۋشىلار مەن جەڭىلدىك ساناتىنداعى جولاۋشىلار ءۇشىن جول ءجۇرۋ تەگىن بولادى.

بارلىق 19 جۇرگىزۋشىسىز پويىز قۇرامى قازىردىڭ وزىندە دەپودا دايىن تۇر. جۇيە بىرىڭعاي ديسپەتچەرلىك ورتالىق ارقىلى باسقارىلادى، ال توتەنشە جاعدايلار كەزىندە كومەك كورسەتۋ ءۇشىن پويىز ىشىندە وپەراتورلار بولادى.

Abai.kz