اباي اتىنداعى وپەرا جانە بالەت تەاترى تورىندە قازاقستاننىڭ حالىق جازۋشىسى، ەڭبەك ەرى، اقىن، مەملەكەت جانە قوعام قايراتكەرى ولجاس سۇلەيمەنوۆتىڭ 90 جاسقا تولۋىنا ارنالعان سالتاناتتى كەشى ءوتىپ، زيالى قاۋىم وكىلدەرى، مەملەكەت جانە قوعام قايراتكەرلەرى، اقىن-جازۋشىلار مەن ونەر مايتالماندارىنىڭ باسىن قوستى.

سۋرەت: شارا ۇيىمداستىرۋشىلارىنان الىندى.

كەش شىمىلدىعى اقىننىڭ جۇرەككە اسەرلى ولەڭدەرىن وقۋمەن اشىلىپ، كورەرمەن نازارىنا ولجاس سۇلەيمەنوۆتىڭ ءوز داۋىسىمەن وقىلعان ارحيۆتىك بەينەجازباسى ۇسىنىلدى.

كەش بارىسىندا مەرەيتوي يەسىنە قازاقستان جانە شەتەلدىك مەملەكەت جانە قوعام قايراتكەرلەرىنەن، مادەنيەت پەن ادەبيەت وكىلدەرىنەن ارنايى قۇتتىقتاۋلار جولدانىپ، اقىننىڭ ەل رۋحانياتىنا سىڭىرگەن ەلەۋلى ەڭبەگى كەڭىنەن اتالىپ ءوتتى.

سۋرەت: شارا ۇيىمداستىرۋشىلارىنان الىندى.

سالتاناتتى كەشتە تانىمال ونەر جۇلدىزدارى ءان شىرقاپ، اقىندار ارناۋ ولەڭدەرىن وقىدى. مەرەيتويلىق كەش بارىسىندا ولجاس سۇلەيمەنوۆتىڭ شىعارماشىلىعى، ازاماتتىق ۇستانىمى مەن قوعامدىق قىزمەتى كەڭىنەن دارىپتەلدى.

سۋرەت: شارا ۇيىمداستىرۋشىلارىنان الىندى.

سونىمەن قاتار، بۇگىن ولجاس سۇلەيمەنوۆكە الماتى قالاسىنىڭ اكىمى دارحان ساتىبالدى مەملەكەت باسشىسى اتىنان قۇتتىقتاۋ حات تابىستادى.

ولجاس سۇلەيمەنوۆ – قازاق ادەبيەتى مەن مادەنيەتىنىڭ دامۋىنا ولشەۋسىز ۇلەس قوسقان كورنەكتى تۇلعا. ونىڭ شىعارمالارى ۇلتتىق رۋحانياتتىڭ التىن قورىنا ەنىپ، بىرنەشە بۋىن وقىرماننىڭ رۋحاني تاربيەسىنە ىقپال ەتتى. اقىننىڭ قوعامدىق جانە حالىقارالىق دەڭگەيدەگى قىزمەتى دە ەل تاريحىندا ايرىقشا ورىن الادى.

Abai.kz