الماتى قالاسىنىڭ پروكۋراتۋراسى سىرتقى (كورنەكى) جارنامانى ورنالاستىرۋ سالاسىنا جۇرگىزگەن تالداۋ بارىسىندا قالالىق الماتى قالاسىنىڭ ساۋلەت جانە قالا قۇرىلىسى باسقارماسى تاراپىنان كاسىپكەرلەردىڭ قۇقىقتارىن بۇزعان جۇيەلى زاڭ بۇزۋشىلىقتاردى انىقتادى.

تەكسەرۋ ناتيجەسىندە باسقارما لاۋازىمدى تۇلعالارى كاسىپكەرلەردىڭ حابارلامالارىن قاراۋدىڭ زاڭدا بەلگىلەنگەن 4 جۇمىس كۇندىك مەرزىمىن ساقتاماي، جاۋاپتاردى 6–15 جۇمىس كۇنىندە جولداپ وتىرعانى بەلگىلى بولدى.

سونداي-اق، مەملەكەتتىك كىرىستەر ورگاندارىنا بيزنەس سۋبەكتىلەرىنە جارنامانى "حابارلاماسىز" ورنالاستىردى دەگەن نەگىزبەن سالىقتىڭ ەكى ەسەلەنگەن مولشەرلەمەسىن قولدانۋ تۋرالى زاڭسىز باستاما ۇسىنىلعان.

بۇل تاجىريبە 2 331 جارناما تاراتۋشىعا قاتىستى بولىپ، زاڭسىز ەسەپتەلگەن تولەمدەردىڭ جالپى سوماسى 1,2 ملرد تەڭگەدەن اسقان.

پروكۋرورلىق قاداعالاۋ اكتىسىنىڭ ناتيجەسىندە بيزنەس سۋبەكتىلەرىنىڭ شوتتارىنداعى زاڭسىز ەسەپتەلگەن قاراجاتتار قايتا قارالىپ، ءتيىستى تۇزەتۋلەر ەنگىزىلدى.

قۇقىق بۇزۋشىلىققا جول بەرگەن باسقارما باسشىسىنىڭ ورىنباسارى اكىمشىلىك جاۋاپكەرشىلىككە تارتىلىپ، ايىپپۇلىن تولىق وتەگەن.

پروكۋراتۋرا بيزنەستى مەملەكەتتىك ورگانداردىڭ زاڭسىز ارالاسۋىنان قورعاۋ جۇمىستارىن جالعاستىراتىنىن مالىمدەدى.

Abai.kz