«حالىق ءۇنى» تاۋەلسىز بايقاۋشىلار توبىنىڭ فرونتمەندەرى قىزىلوردا قالاسىنا ارنايى بارىپ، وڭىرلىك شتابتىڭ جۇمىسىمەن تانىستى.

ساپار بارىسىندا بولاشاق بايقاۋشىلارعا ارنالعان وقىتۋ سەمينارى ۇيىمداستىرىلىپ، سايلاۋ پروتسەسىندەگى قۇقىقتىق نورمالار مەن بايقاۋشىنىڭ قۇقىقتارى مەن مىندەتتەرى جان-جاقتى ءتۇسىندىرىلدى.

وقىتۋ بارىسىندا تاجىريبەلى ماماندار بايقاۋشىلاردىڭ سايلاۋ كۇنى زاڭ تالاپتارىن ساقتاي وتىرىپ جۇمىس ىستەۋىنىڭ ماڭىزدىلىعىنا ەرەكشە توقتالدى. سەميناردا ناقتى تاجىريبەلىك جاعدايلار تالدانىپ، قاتىسۋشىلاردىڭ سۇراقتارىنا جاۋاپ بەرىلدى.

سۋرەت: شارا ۇيىمداستىرۋشىلارىنان الىندى.

«حالىق ءۇنى» بايقاۋشىلار توبىنىڭ وقىتۋشى مۇشەسى نۇرگەلدى ابدىعاني: «بايقاۋشىنىڭ ەڭ باستى قۇرالى – قۇقىقتىق ساۋاتتىلىق. زاڭدى جەتىك بىلەتىن بايقاۋشى عانا سايلاۋ پروتسەسىنىڭ اشىقتىعى مەن ادىلدىگىن قامتاماسىز ەتۋگە ناقتى ۇلەس قوسا الادى. ءبىزدىڭ ماقسات – ءاربىر بايقاۋشىنى تەوريالىق ءارى تاجىريبەلىك تۇرعىدان ساپالى دايىنداۋ»، – دەدى.

وڭىرلەردەگى مۇنداي كەزدەسۋلەر الداعى ۋاقىتتا دا جالعاسىپ، ەلىمىزدىڭ بارلىق ايماقتارىندا كاسىبي ءارى زاڭ تالاپتارىن جەتىك مەڭگەرگەن بايقاۋشىلار كورپۋسىن قالىپتاستىرۋعا باعىتتالماق.

Abai.kz