وسىدان ءبىرشاما ۋاقىت بۇرىن ەڭلىك سىدىقوۆا دەيتىن اكتريسا پايدا بولا قالىپ، جوق جەردەن جىك شىعاردى دا مينيسترلەر كابينەتىنىڭ مۇشەسى قىر كورسەتتى دەپ اششى مالىمدەمە جاساپ، الەۋمەتتىك جەلىلەردى شۋلاتىپ قويا بەردى. ونىڭ  يۋتۋبتەگى  روليگىن 20 مىڭعا  جۋىق ادام كورىپ، ال سىدىقوۆا ءبىر ساتتە «جۇلدىز» بولىپ شىعا كەلدى.

جاس «اكتريسا» «2011 جىلدان 2015 جىلدار ارالىعىندا جۇرگەنوۆ اتىنداعى ۇلتتىق ونەر اكادەمياسىندا وقىپ جۇرگەنىمدە...» – دەپ اڭگىمەسىن باستايدى دا، تاعدىر ونى وسى وقۋ ورنىنىڭ  رەكتورىمەن جولىقتىرعانىن تىلگە تيەك ەتەدى. الايدا،  سىدىقوۆا سول كەزدەگى ءوز باسىندا بولعان شىندىقتى ۇمىتىپ قالدى ما،  الدە مىڭداعان  ادامدى ادەيى  شاتاستىرعىسى كەلدى مە، سەبەبى ول  2011 جىلى  «اكتەرلىك شەبەرلىك» كۋرسى بويىنشا ءتالىم العان ەمەس. ەڭلىكتىڭ  اكادەمياعا ءتۇسۋ ءۇشىن قۇجات تاپسىرعانى راس، بىراق ارتىنان بۇل ويىنان باس تارتىپ،  3,56 ورتاشا بالى كورسەتىلگەن مەكتەپ اتتەستاتىن شۇعىل قايتارىپ الادى. وتىرىكتىڭ ارتى – ءبىر-اق تۇتام. «وكىنىشكە قاراي،  كەش بولسا دا قاتەمدى ءتۇسىندىم جانە قابىلداۋ ەمتيحانىنا كەشىگىپ قالدىم»، – دەگەن سىدىقوۆا نە ايتىپ، نە قويعانىن اڭعارماسا كەرەك، بىرەۋ-مىرەۋدىڭ جەتەگىنە ەرىپ، ەلدى شاتاستىرعىسى كەلدى.  اكادەميانىڭ دەرەكتەر بازاسىندا سىدىقوۆا ءوزىنىڭ ۇمىتشاقتىعىنىڭ قۇربانى رەتىندە ەمەس، ابيتۋرەنت رەتىندە قۇجاتتارىن قايتىپ العاندىعى كورسەتىلگەن. ەلەكتروندىق تىركەۋ جۋرنالى دەيتىن بولادى. ەڭلىكتىڭ تۇسى بوس. ساباققا بارماعان. قاتىسپاعان. وقيمىن دەگەن نيەتى دە بولماعان. دەمەك، ەشقانداي ەمتيحانعا بارعان ەمەس.

«مەن قولىمدى قۋسىرىپ قاراپ وتىرمادىم،  ماسەلەنى باسقا قىرىنان شەشۋگە تىرىستىم، - دەيدى جاس اكتريسا. – جوو قىزمەتكەرلەرىنە شىقتىم، ولار ماعان رەكتورمەن كەزدەسۋدى ۇيىمداستىردى». سىدىقوۆا «ەمتيحاندى جىبەرىپ العان سوڭ رەكتورمەن كەزدەسۋگە باردىم» – دەيدى. جوو انىقتاماسىنا سايكەس، 2011 جىلى جۇرگەنوۆ اتىنداعى اكادەمياعا قۇجاتتار 14 ماۋسىم مەن 5 شىلدە ارالىعىندا  قابىلدانادى. «مۋزىكالىق تەاتر ءارتىسى» ماماندىعى بويىنشا  ەمتيحان  9 شىلدە كۇنى وتەدى. ەمتيحانداردى جىبەرىپ  العان  ءبىزدىڭ «كەيىپكەرىمىز»،   «ماسەلەنى باسقا جاعىنان شەشۋگە تىرىسىپ» اكادەميا باسشىسى «قابىلداۋىنا» تاپ بولادى. بۇل دا وتىرىك!

اكادەميانىڭ ء  ىسساپالار كەستەسى ءالى كۇنگە دەيىن ساقتالعان. ءىسساپارلار قۇجاتتارى تىگۋلى ەكەن. 2011 جىلدىڭ  شىلدە ايىندا ول ءۇش رەت جۇمىس بابىمەن باسقا قالادا ءىسساپاردا بولعان. شىلدەنىڭ 1-ءى مەن 6-ى ارالىعىندا رەكتور استانادا، ەلوردا كۇنى مەرەكەسىنىڭ شارالارىن ۇيىمداستىرۋ ىسىنە قاتىسادى. ياعني، سىدىقوۆانىڭ بۇل كۇندەرى رەكتوردىڭ قابىلداۋىندا بولۋى ءتىپتى مۇمكىن ەمەس. 9 شىلدە كۇنى ەمتيحاننان قالىپ قويعان ەڭلىك، «باسقا جاعىنان شەشۋ» شەشىمىن جۇزەگە اسىرۋى قاجەت ەدى، ياعني رەكتوردىڭ  قابىلداۋىندا بولۋى كەرەك. شىلدەنىڭ 10-ى كۇنى دە ەڭلىك  رەكتورمەن كەزدەسكەن ەمەس. ويتكەنى  ول كۇن – جەكسەنبى! ال شىلدەنىڭ 11-كۇنى، دۇيسەنبىدە رەكتور يۋنەسكو قولداۋىمەن وتكىزىلەتىن ءىس-شارالارعا قاتىسۋ ءۇشىن وسكەمەن قالاسىنا جۇمىس بابىمەن ءجۇرىپ كەتەدى جانە شىعىس قازاقستاندا شىلدەنىڭ 14-ىنە دەيىن بولدى. سوندا سىدىقوۆا «جىبەرىپ العان ەمتيحاننان» كەيىن رەكتوردىڭ كابينەتىنە قالاي جانە قاشان كەلدى؟ ايتا كەتەلىك، شىلدەنىڭ 17-19 كۇندەرى دە رەكتور قالادا بولعان ەمەس. دەمەك، بۇل جەردە دە قىز جالعان  ايتادى.

ال، الەۋمەتتىك جەلىلەردە جارق ەتكەن ء«بىزدىڭ جۇلدىز» اقيقاتتان اتتاپ كەتكەن.  2011 جىلى ول جۇرگەنوۆ اتىنداعى ونەر اكادەمياسىندا ءتىپتى وقىعان ەمەس (وقۋعا تۇسكىسى كەلگەنمەن، ارتىنان باس تارتادى). ءبىزدى تاڭقالدىراتىن جايت: ەڭىلىك قۇجاتتارىن  قىزىلوردا قالاسىنداعى «بولاشاق» جەكەمەنشىك ۋنيۆەرسيتەتىنە اپارىپ تاپسىرعانىن نەگە جاسىرادى؟  بولاشاق اكتريسا الدىمەن  «اۋديت» ماماندىعى بويىنشا وقيدى . ءبىرىنشى سەمەستردەن كەيىن ەڭلىك «حورەوگرافيا» ماماندىعىنا اۋىسا سالادى.

اڭگىمە  مىنادا، سىدىقوۆا «جۇرگەنوۆكە»  تەك 2012 جىلى عانا، ەمتيحان تاپسىرۋدى قاجەت ەتپەيتىن  اقىلى بولىمگە اۋىسادى.

«بولاشاق» ۋنيۆەرسيتەتىنەن اكادەمياعا اۋىسۋى تۋرالى قۇجاتتار ەكى وقۋ ورنىندا دا  ساقتالعان، ال ولاردىڭ كوشىرمەلەرى جۇرتقا جاريا بوپ ۇلگەردى.  ءبىر قىزىعى، ەكى وقۋ ورنىندا جازىلعان وتىنىشتەرى  ەڭلىكتىڭ ء«وز قولىمەن» جازىلعانىمەن،  نەگە ەكەنى بەلگىسىز قويعان قولدارى ء ارتۇرلى. مۇنىڭ ءبارى  تايعا تاڭبا باسقانداي كورىنىپ تۇر. تاعى ءبىر شىندىقتى ايتالىق. نەمەن بايلانىستى ەكەنىن ايتۋ قيىن، دەگەنمەن  قىزدىڭ پورترەتىنە تاعى ءبىر شتريح جاسالىق: «جۇرگەنوۆتە» وقىپ جۇرگەن كەزىندە ول ەكى رەت وقۋدان شىعارىلماق بولادى. ەكەۋىندە دە  قىزىلوردادان  اجەسى ات ارىتىپ، «سۇيىكتى» نەمەرەسىنىڭ ستۋدەنت مارتەبەسىن جىلاپ-سىقتاپ ءجۇرىپ ساقتاپ قالادى.

سونىمەن، بەس جارىم مينۋتقا سوزىلعان روليكتە  باس كەيىپكەرىمىز كوزىنە جاس تا العىسى كەلمەيدى، داۋىس  ىرعاعى دا  وزگەرە قويعان جوق. ول ءسوزىن مۇرنىنىڭ  استىنان مىڭگىرلەپ، «ەندى نە ايتۋىم كەرەك ەدى؟» دەگەندەي اۋىر كۇرسىنەدى.

ءسويتىپ، ەڭلىكتەن ءتاۋىر اكتريسا شىعا قويمادى. ەسەسىنە «قولشوقپار» ءرولىن سومداعان ول سول تاياق وزىنە ۇرتوقپاق بولارىن بىلمەي قالاعان سياقتى...

كەمەل قاراسارتوۆ

Abai.kz