تالدىقورعان. 9 قازان. قازتاگ – سەنبى كۇنى تالدىقورعاندا قالانىڭ قۇرىلعانىنا 141 جىل تولۋىن مەرەكەلەۋ شەڭبەرىندە بەلگىلى كومپوزيتور،كسرو جانە قسسر حالىق ءارتىسى نۇرعيسا تىلەنديەۆتىڭ ەسكەرتكىشى اشىلدى، دەپ حابارلايدى الماتى وبلىسى اكىمىنىڭ ءباسپاسوز قىزمەتى.

اتاقتى مۋزىكانتتىڭ ءمۇسىنى ونىڭ تۋعانىنا 85 جىل تولۋى قارساڭىندا ونىڭ ەسىمى بەرىلگەن وبلىستىق مۋزىكا مەكتەبىنىڭ عيماراتىنىڭ الدىنا ورناتىلدى. ءمۇسىننىڭ اۆتورى - قر ساۋلەتشىلەرى وداعىنىڭ مۇشەسى قازبەك جارىلعاپوۆ، ءمۇسىنشىسى مەيىرلان اجماعامبەتوۆ. ەسكەرتكىشتىڭ بيىكتىگى تاستۇعىرىمەن بىرگە 5 مەتردى قۇرايدى، كومپوزيتسيانىڭ جالپى اۋماعى 276 م2.

ت15 ملن قارجى وبلىستىق بيۋدجەتتەن ءبولىندى.

نۇرعيسا تىلەنديەۆ الماتى وبلىسى ىلە اۋدانى شىلىكەمەر اۋىلىندا دۇنيەگە كەلگەن. جامبىل ماۆزولەيىنىڭ قاسىنا جەرلەنگەن. پ. ي. چايكوۆسكي اتىنداعى ماسكەۋ مەملەكەتتىك كونسەرۆاتورياسىن بىتىرگەن. 1981 جىلى «وتىرار سازى» قازاق مەملەكەتتىك فولكلورلىق-ەتنوگرافيالىق وركەسترىن قۇرىپ، ونى ءومىرىنىڭ سوڭعى كۇنىنە دەيىن باسقارعان.

تالدىقورعان. 9 قازان. قازتاگ – سەنبى كۇنى تالدىقورعاندا قالانىڭ قۇرىلعانىنا 141 جىل تولۋىن مەرەكەلەۋ شەڭبەرىندە بەلگىلى كومپوزيتور،كسرو جانە قسسر حالىق ءارتىسى نۇرعيسا تىلەنديەۆتىڭ ەسكەرتكىشى اشىلدى، دەپ حابارلايدى الماتى وبلىسى اكىمىنىڭ ءباسپاسوز قىزمەتى.

اتاقتى مۋزىكانتتىڭ ءمۇسىنى ونىڭ تۋعانىنا 85 جىل تولۋى قارساڭىندا ونىڭ ەسىمى بەرىلگەن وبلىستىق مۋزىكا مەكتەبىنىڭ عيماراتىنىڭ الدىنا ورناتىلدى. ءمۇسىننىڭ اۆتورى - قر ساۋلەتشىلەرى وداعىنىڭ مۇشەسى قازبەك جارىلعاپوۆ، ءمۇسىنشىسى مەيىرلان اجماعامبەتوۆ. ەسكەرتكىشتىڭ بيىكتىگى تاستۇعىرىمەن بىرگە 5 مەتردى قۇرايدى، كومپوزيتسيانىڭ جالپى اۋماعى 276 م2.

ت15 ملن قارجى وبلىستىق بيۋدجەتتەن ءبولىندى.

نۇرعيسا تىلەنديەۆ الماتى وبلىسى ىلە اۋدانى شىلىكەمەر اۋىلىندا دۇنيەگە كەلگەن. جامبىل ماۆزولەيىنىڭ قاسىنا جەرلەنگەن. پ. ي. چايكوۆسكي اتىنداعى ماسكەۋ مەملەكەتتىك كونسەرۆاتورياسىن بىتىرگەن. 1981 جىلى «وتىرار سازى» قازاق مەملەكەتتىك فولكلورلىق-ەتنوگرافيالىق وركەسترىن قۇرىپ، ونى ءومىرىنىڭ سوڭعى كۇنىنە دەيىن باسقارعان.

ن. تىلەنديەۆ  «التىن تاۋلار»وپەراسىنىڭ  (1961. ق.قوجامياروۆپەن بىرگە), “دوستىق جولىمەن” بالەتىنىڭ (1958. ل.ستەپانوۆپەن بىرگە), وركەسترگە ارنالعان “اتا تولعاۋى”، “اقساق قۇلان”، “اققۋ”، “ارمان”، “ماحامبەت”، “كوش كەرۋەن”، “قايرات”، “جەڭىس سالتاناتى” اتتى ۋۆەرتيۋرالاردىڭ، 400-گە تارتا ءان مەن رومانستىڭ اۆتورى. تىلەنديەۆ 100  سپەكتاكلگە، كوركەم، دەرەكتى جانە مۋلتيپليكاتسيالىق فيلمگە مۋزىكا جازعان.

1998 جىلى پرەزيدەنتتىڭ جارلىعىمەن ن. تىلەنديەۆكە «حالىق قاھارمانى» اتاعى بەرىلدى.

ەسكەرتكىشتىڭ اشىلۋىنا ارنالعان متينگكە تىلەنديەۆتىڭ جارى - داريعا تىلەنديەۆا مەن قازىر «وتىرار سازى» قازاق مەملەكەتتىك فولكلورلىق-ەتنوگرافيالىق وركەسترىنىڭ كوركەمدىك جەتەكشىسى بولىپ تابىلاتىن ونىڭ قىزى دينارا قاتىستى.