29-30 ماۋسىمدا ك.بايسەيتوۆا اتىنداعى ۇلتتىق بالەت جانە وپەرا تەاترىندا اتاقتى يتاليان كومپوزيتورى دجاكومو ءپۋچچينيدىڭ دۇنيەجۇزىنە تانىمال «مانون لەسكو» وپەراسىنىڭ پرەمەراسى وتەدى. اتالمىش وپەرا اببات پرەۆونىڭ «دە گريە مەن مانون لەسكو كاۆالەرىنىڭ تاريحى» اتتى رومانىنىنىڭ جەلىسىنە نەگىزدەلگەن، دەپ حابارلادى قر مادەنيەت ءمينيسترىنىڭ ءباسپاسوز قىزمەتىنەن.

29-30 ماۋسىمدا ك.بايسەيتوۆا اتىنداعى ۇلتتىق بالەت جانە وپەرا تەاترىندا اتاقتى يتاليان كومپوزيتورى دجاكومو ءپۋچچينيدىڭ دۇنيەجۇزىنە تانىمال «مانون لەسكو» وپەراسىنىڭ پرەمەراسى وتەدى. اتالمىش وپەرا اببات پرەۆونىڭ «دە گريە مەن مانون لەسكو كاۆالەرىنىڭ تاريحى» اتتى رومانىنىنىڭ جەلىسىنە نەگىزدەلگەن، دەپ حابارلادى قر مادەنيەت ءمينيسترىنىڭ ءباسپاسوز قىزمەتىنەن.

اتالمىش وپەرانىڭ قويۋشى-رەجيسسەرى - رەسەيدىڭ ەڭبەگى سىڭگەن ونەر قايراتكەرى، قازاقستان رەسپۋبليكاسى مەملەكەتتىك سىيلىعىنىڭ لاۋرەاتى، «دوستىق» وردەنىنىڭ كاۆالەرى يۋري الەكساندروۆ (سانكت-پەتەربۋرگ). سونىمەن قاتار يۋري يسااكوۆيچ مارين تەاترىنىڭ قويۋشى-رەجيسسەرى، «سانكت-پەتەربۋرگ-وپەرا» مەملەكەتتىك كامەرالىق مۋزىكالىق تەاترىنىڭ كوركەمدىك جەتەكشىسى، رەسەيدىڭ حالىق ءارتىسى (2008). 1997 جىلى مۋزىكالىق تەاترداعى «ەڭ ۇزدىك قويۋشى-رەجيسسەر» رەتىندە سانكت-پەتەربۋرگتىڭ «زولوتوي سوفيت» تەاتر ونەرىندەگى ەڭ جوعارعى سىيلىقتىڭ يەگەرى اتاندى.

قويۋشى-ديريجەر - قازاقستان رەسپۋبليكاسىنىڭ ەڭبەگى سىڭگەن ونەر قايراتكەرى ابزال مۇحيتدينوۆ. قويۋشى-سۋرەتشى - رەسەيدىڭ ەڭىبەگى سىڭگەن سۋرەتشىسى، «دوستىق» وردەنىنىڭ كاۆالەرى ۆياچەسلاۆ وكۋنەۆ (سانكت-پەتەربۋرگ). قويۋشى-بالەتمەيستەر - قازاقستان رەسپۋبليكاسىنىڭ ەڭبەگى سىڭگەن ونەر قايراتكەرى تۇرسىنبەك نۇرقاليەۆ. ۆوكال بويىنشا كونسۋلتانت - تبيليسسي كونسەرۆاتورياسىنىڭ پروفەسسورى، پەزارو قالاسىنداعى رەناتو تەبالدي مەن ماريو دەل موناكونىڭ ۆوكال بويىنشا حالىقارالىق اكادەميانىڭ، يتاليانىڭ وزيمو قالاسىنداعى وپەرا ونەرىنىڭ حالىقارالىق اكادەمياسىنىڭ دوتسەنتى اللا سيمونيشۆيلي.

«مانون لەسكو» وپەراسى «توسكا» جانە «بوگەما» وپەرالارى سەكىلدى دج.ءپۋچچينيدىڭ العاشقى جۇمىستارىنىڭ قاتارىنا جاتادى. وپەرادا كومپوزيتوردىڭ مۋزىكالىق-درامالىق تالانتى ەرەكشە اشىلا تۇسكەن. ول جارقىن مىنەزدەردى ناقىشىنا كەلتىرە سۋرەتتەپ، ساحنالىق جاي-تۇرىستاردى ۇتىمدى بەرە الۋمىەن ەرەكشەلەنەدى.

«مانون لەسكودا» گاۆر پورتىنداعى تۇرمەدە وتىرعانداردى امەريكاعا جونەلتۋ ءۇشىن كەمەگە وتىرعىزىپ جاتقان جەرى ەڭ اسەرلى سۋرەتتەلىپ، كورەرمەنگە ۇتىمدى جەتكىزىلگەن. بۇل سيمفونيالىق-حوردىق كورىنىس اسا كوركەم، ءارى شەبەر سۋرەتتەلىپ، كورەرمەندى ەرەكشە تەبىرەنىستى كوڭىل-كۇيدە ۇستاپ وتىرادى.

مانون مەن دە گريەنىڭ شەكسىز امەريكانىڭ شولدەرىن كەزىپ ءجۇرۋى جوعارى ليريكا مەن دراماتيزمگە تولى سيپاتتاعى كورىنىس.

وپەرانىڭ ەڭ العاشقى قويىلىمى 1893 جىلدىڭ 1 اقپانىندا تۋرين قالاسىندا وتكەن.