ارىس قالاسىندا ورىن العان اپاتتى جاعداي بارلىق قازاقستاندىقتاردى بىرىكتىرىپ، ەشكىمدى بەي-جاي قالدىرمادى.

ارينە، ەڭ مەيىرىمدى ماماندىق يەسى – دارىگەرلەر دە ءوز كاسىبي پارىزىن عانا ەمەس، ازاماتتىق بورىشتارىن دا اتقارىپ، قالا تۇرعىندارىنىڭ دەنساۋلىعىن ساقتاپ نىعايتۋعا بارلىق كۇشتەرىن سالۋدا. تۇركىستان وبلىسىنىڭ مەديتسينالىق ۇيىمدارى جانە سول وڭىرگە اتتانعان ەلىمىزدىڭ مەديتسينا قىزمەتكەرلەرى تاۋلىك بويى قاجەتتى مەديتسينالىق كومەك كورسەتىپ جاتىر.

پاتسيەنتتەر دارىگەرلەردىڭ ءجىتى باقىلاۋىندا، ولار قاجەتتى دارىلىك زاتتارمەن، گيگيەنا قۇرالدارىمەن، تاماقپەن قامتاماسىز ەتىلۋدە. بالالاردىڭ دەنساۋلىعى باستى نازاردا.

قايىرىمدىلىق كومەك رەتىندە اكەلىنىپ جاتقان ازىق-تۇلىكتەردى ەپيدەميولوگ ماماندار تەكسەرۋدەن وتكىزۋدە. اۋا تەمپەراتۋراسىنىڭ جوعارى بولۋىنا بايلانىستى، ەۆاكۋاتسيالانعان حالىق اراسىندا جۇقپالى ينفەكتسيالاردىڭ الدىن الۋ جانە تارالماۋى بويىنشا شارالار جۇرگىزىلىپ جاتىر.

تۇركىستان وبلىسىنىڭ ارىس قالاسىنداعى سانيتاريالىق-ەپيدەميولوگيالىق جاعداي سانيتاريالىق دارىگەرلەرىنىڭ باقىلاۋىندا. قالاداعى توتەنشە جاعدايعا بايلانىستى، وبلىس بويىنشا ۋاقىتشا اشىق تۇرعان ەۆاكوپۋنكتەردەن سۋ، ازىق-تۇلىكتەرگە  (كوكونىستەر، جەمىس-جيدەكتەر، ەت) قوسىمشا سىناما جاسالدى.

ىشەك ينفەكتسيالارىنىڭ الدىن الۋ ماقساتىندا، قوعامدىق دەنساۋلىق ساقتاۋ ورتالىعىنىڭ ماماندارى كەڭەس بەرەدى:

- جەكە گيگيەنا قاعيدالارىن ساقتاۋ قاجەت، تاماق ىشەر الدىندا، دارەتحانادان شىققاننان كەيىن جانە كوشەدەن كەلگەندە قولدى جاقسىلاپ سابىنمەن جۋ قاجەت;

- بوتەلكەدەگى اۋىز سۋدى ىشكەن ءجون;

-  كوكونىستەر مەن جەمىس-جيدەكتەردى مۇقيات جۋ كەرەك;

- ازىق-تۇلىكتەردى جاندىكتەردەن، شىبىن-شىركەيلەردەن، كەمىرگىشتەردەن جانە ءۇي جانۋارلارىنان  قورعالعان جەردە ساقتاۋ قاجەت;

- ازىق-تۇلىكتەردى تاسىمالداۋ جانە ساقتاۋ ءۇشىن تازا قاپتاما قولدانۋ قاجەت (پوليەتيلەن، قاعاز، ازىق-تۇلىككە ارنالعان كونتەينەرلەر), تەمپەراتۋرالىق رەجيمدى ساقتاۋ كەرەك;

- تەز بۇزىلاتىن ازىق-تۇلىكتەردى ء(سۇت، ىرىمشىك، قايماق، ەت جانە بالىق ونىمدەرى، سالاتتار، كرەمى بار اسپازدىق ونىمدەر) ساتىپ العان نەمەسە ازىرلەگەن كۇنى پايدالانعان ءجون;

- ازىق-تۇلىكتى جەكەمەنشىك تۇلعالاردان، رۇقسات ەتىلمەگەن جەرلەردەن ساتىپ الماۋ كەرەك (كوشەدەن، جولدىڭ جيەگىندە), ويتكەنى ونداي ازىق-تۇلىكتەردىڭ جارامدىلىق مەرزىمى ءوتىپ كەتۋى نەمەسە سانيتاريالىق نورمالاردى ساقتاماي ازىرلەنۋى مۇمكىن;

- ىشەك بۇزۋشىلىعىنىڭ العاشقى بەلگىلەرى انىقتالعان جاعدايدا، دەنە قىزۋى كوتەرىلىپ نەمەسە السىرەگەن كەزدە وزىندىك ەمدەۋمەن اينالىسپاي، دەرەۋ مەديتسينا قىزمەتكەرلەرىنە جۇگىنۋ قاجەت.

كۇننىڭ ىستىعى دا وتە قاۋىپتى، سوندىقتان قوعامدىق دەنساۋلىق ساقتاۋ ۇلتتىق ورتالىعىنىڭ ماماندارى جوعارى اۋا تەمپەراتۋراسى جاعدايىندا مىنەز-قۇلقى قاعيدالارىن ساقتاۋ ماسەلەسىن دە قوزعاۋدا:

كۇننىڭ ىستىعى اعزاداعى قان اينالىمى جۇيەسىنە كەرى ىقپالىن تيگىزەدى، بۇل سۋسىزدانۋعا اكەلەدى، اعزاداعى سۇيىقتىق جويىلىپ، قان ۇيىپ قالادى، سونىن سالدارىنان ترومب ءتۇزىلىپ، قان تامىرلارى تارىلادى. اعزاداعى جۇرەكتىڭ قىزمەت ەتۋىنە  جانە جۇرەك ىرعاعىن ساقتاۋعا قاجەتتى مينەرالدى تۇزدار، ونىڭ ىشىندە كالي جانە ماگني كەمي باستايدى. وسىلايشا، اعزانىڭ تىنشۋىنان گيپەرتونيا، ينفاركت جانە ءينسۋلتتىڭ دامۋ قاۋپى پايدا بولادى.

قان اينالىمىن جاقسارتۋعا ىقپالداساتىن ۇزدىك پروفيلاكتيكا ءتۇرى قاجەتتى ىلعالدىلىق دەڭگەيىن ورىنداۋ بولىپ تابىلادى.  كۇننىڭ ىستىق ۋاقىتىندا سۋدى كوپ ءىشۋ قاجەت، ونى قاجەتىنشە جانە كىشى مولشەردەگى پورتسيالارمەن ءىشۋ كەرەك.

جۇرەك-قان تامىر جۇيەسىنىڭ اۋرۋلارىمەن زارداپ شەگەتىن ادامدارعا ساعات 11:00-دەن  18:00-گە دەيىن كۇننىڭ استىندا جۇرۋگە بولمايدى.

ىستىق كۇندەرى تۇسكى ۋاقىتتا كۇنگە كۇيىپ قالماس ءۇشىن كوپ ۋاقىتتى كولەڭكەدە وتكىزۋ قاجەت.

پسيحو-ەموتسيونالدىق سترەستەن اۋلاق بولۋعا تىرىسىڭىزدار.

اقپارات الۋ ءۇشىن رەسمي مالىمەتتەر كوزدەرىن - اكىمدىكتەردىڭ، مينيسترلىكتەردىڭ جانە باسقا مەملەكەتتىك ورگانداردىڭ web-رەسۋرستارىن پايدالانىڭىز.

Abai.kz