Düysenbi, 6 Säuir 2020
COVID-19 QAZAQSTANDA. Jwqtırğandar — 629. Jazılğandar — 45. Qaytıs bolğandar — 6
1213 32 pikir 15 Aqpan, 2020 sağat 15:49

Qordayda 185 adam zardap şegip, 47 kölik örtengen

Jambıl oblısınıñ äkimi Berdibek Saparbaev Qordaydağı şetin oqiğanıñ zardaptarın joyu jönindegi oblıstıq ştabtıñ jiının ötkizdi. Bwl turalı Jambıl oblısı äkimdiginiñ baspasöz qızmeti habarlağan.

Berdibek Saparbaev Qorday audanına jwmıs saparımen barıp, ondağı birqatar äleumettik nısandardıñ jwmısımen tanısıp, auıl twrğındarı tirşiliginiñ qalıptı jağdayğa tüsu jayın talqılağan.

Oblıstıq ştabtıñ mälimetinşe Qordaydağı şetin oqiğadan 185 adam zardap şekken. Olardıñ 34-i  auruhanalarğa jatqılğan. Sonday-aq, 39 üy, 20 kommerciyalıq nısan, 47 avtokhölik örtengen.

"Al 1-13 aqpan aralığında Qorday, Qarasu, Auqattı jäne Sortöbe auıldarınan Qırğızstanğa 23 131 adam ötken. Al Qazaqstanğa kirgenderi 21 261 adam", depti jergilikti äkimdik.

Sonımen qatar, auıldardı qalpına keltiru jäne tazartu üşin 250 adam men 53 tehnika jwmıldırılıptı. Barlığı 680 tonna qwrılıs qoqısın şığarğan.

Qazirgi uaqta 55 düken, 3 därihana, 14 janarmay beketi men 30-ğa juıq basqa da kommerciyalıq nısandar qalıptı jwmıs jasap jatır.

Al joğalğan qwjattardı retteu üşin arnayı mobildi ortalıqtar iske qosılğan. Ol Sortöbe auıldıq okruginiñ äkimdiginde ornalasqan.

778 otbasına gumanitarlıq kömek körsetilgen. Olardıñ deni azıq-tülik, twrmıstıq tauarlar. Jalpı kölemi 57,2 tonna.

Abai.kz

32 pikir