Jwma, 29 Mamır 2020
COVID-19 QAZAQSTANDA. Jwqtırğandar — 9576. Jazılğandar — 4900. Qaytıs bolğandar — 37
Sañlaq 2767 8 pikir 12 Naurız, 2020 sağat 13:40

Özbekstan birinşi, Qazaqstan ekinşi orın aldı...

4-11 naurız aralığında Amman qalasında (Iordaniya) bokstan Tokio Olimpiadasına aymaqtıq irikteu turniri ötti. Basınan dauı arılmağan AIBA-ğa äbden ökpelegen Halıqaralıq Olimpiada komiteti arnayı irikteu turnirin ötkizip, Olimpiada licenziyasın özderi tarattı.

Biıl Tokioda ötetin Olimpiada oyındarında boksşılar 8 salmaq sanatında ğana baq sınaydı. Bwğan da äuesqoy bokstıñ bedeli tömendeui sebep bolıp otır.

Töreşilerdiñ bwra tartuı men barmaq bastı - köz qıstılıq älemdik arenadağı bokstıñ bedelin tım tömendetip jiberdi. Tipti halıqaralıq Olimpiada komiteti bokstı 2020 jılğı Olimpiada oyındarınıñ bağdarlamasınan alıp tastauı da mümkin edi. Abıroy bolğanda, HOK bwl qadamğa barğan joq. Tek Olimpiadağa qatısatın boksşılar sanın qısqartıp, irikteu qwqığın öz qoldarına aldı.

Bokstan Qazaqstan qwramasınıñ bas bapkeri Ğalımbek Kenjebaev Ammanğa tömendegi 8 boksşını ertip bardı:

52 keli: Säken Bibosınov
57 keli: Serik Temirjanov
63 keli: Zäkir Safiullin
69 keli: Abılayhan Jüsipov
75 keli: Äbilhan Amanqwl
81 keli: Bekzat Nwrdäuletov
91 keli: Vasiliy Levit
+91 keli: Qamşıbek Qoñqabaev

Iordaniyada baq sınağan 8 sañlaqtıñ jeteui jartılay finalğa şığıp, birden Olimpiada joldamasına qol jetkizdi. 52 kelige deyingi salmaq sanatında öner körsetken Säken Bibosınov ğana şirek finalda sürindi. Ol Qıtay boksşısı Hu Jinhuağa ese jiberdi. Biraq jwbanış jekpe-jeginde Filippin ökili Karlo Paalamdı jeñip, Olimpiadağa joldama aldı. Osılayşa, Qazaqstan qwraması Tokio Olimpiadasına tolıq qwrammen baruğa mümkindik aldı.

Jartılay finalğa jetken jeti boksşımızdıñ törteui aqtıq sınğa joldama aldı. Bwl kezeñde Äbilhan Amanqwl, Abılayhan Jüsipov jäne Qamşıbek Qoñqabaev qatardan şığıp qaldı. Soñğısı jaraqatına baylanıstı şarşı alañğa şıqqan joq.

Jartılay finaldıq kezdesuler:

57 keli: Serik Temirjanov - Mirazizbek Mirzahalilov (Özbekstan)
63 keli: Zakir Safiullin - Obada Mohammed Mustafa Alkasbeh (Iordaniya)
69 keli: Abılayhan Jüsipov - Vikaş Kirşan (Ündistan)
75 keli: Äbilhan Amanqwl - Tañathan Toqtarbek (Qıtay, wltı qazaq)
81 keli: Bekzat Nwrdäuletov - Oday Al'hindavi (Iordaniya)
91 keli: Vasiliy Levit - Huseyn Işayş (Iordaniya)
+91 keli: Qamşıbek Qoñqabaev - Huni Ädilet (Avstraliya). 

Aqtıq sınğa şıqqan tört qazaqstandıqtıñ ekeui jeñiske jetti. 81 kelide jwdırıqtasqan älem çempionı Bekzat Nwrdäuletov Avstraliya ökilin taza jeñdi. Al Vasiliy Levit (91 keli) Jaña Zelandiya boksşısınan basım tüsti. Zäkir Safiullin (63 keli) men Äbilhan Amanqwl (75 keli) kümis medal'di qanağat twttı.

Finaldıq kezdesuler:

63 keli: Zakir Safiullin - El'nur Abduraimov (Özbekstan, wltı qazaq)
75 keli: Äbilhan Amanqwl (Qazaqstan) - Eumir Mars'yal' (Filippin)
81 keli: Bekzat Nwrdäuletov - Paulo Aokuso (Avstraliya)
91 keli: Vasiliy Levit (Qazaqstan) - Devid Nika (Jaña Zelandiya).

Al qızdar qwraması irikteu turnirine mına qwrammen barğan:

51 keli: Angelina Lukas
57 keli: Dämetken Kelimbet
60 keli: Rimma Volosenko
69 keli: Valentina Hal'zova
75 keli: Nadejda Ryabec.

Bwrımdı boksşılarımızdıñ arasınan 75 kelige deyingi salmaq därejesinde baq sınağan Nadejda Ryabec ğana Olimpiada joldamasına ie boldı. Otandasımız jartılay finalda Keytlin Parkerden (Avstraliya) jeñilip, turnirdiñ qola jüldegeri atandı.

Sonımen, Qazaqstan qwraması irikteu turnirin 2 altın, 2 kümis, 4 qola medal'men qorıtındıladı. Söytip jalpı komandalıq esepte ekinşi orınğa jayğastı. Bastısı qorjında 9 Olimpiada joldaması bar. Endi boksşılarımız Tokio törinde tolağay tabıstarğa jetedi dep ümittenemiz.

Olimpiadağa irikteu turniri. Komandalıq esep:

1, Özbekstan – 6 (3 altın + 3 qola medal).
2, Qazaqstan – 7 (2+2+3)
3, Iordaniya – 5 (1+1+3)
4, Qıtay – 3 (1+0+2)
5, Filippin – 1 (1+0+0)

Olimpiada joldamasın jeñip alğan boksşılar

52 keli

Säken Bibosınov bıltır Qızılordada ötken Qazaqstan Respublikasınıñ V Spartakiadasında jäne elordada ötken QR Prezidenti Kubogında top jarıp, Ekaterinburgte ötken älem çempionatında qola medal'ge qol jetkizdi.

1997 jılı düniege kelgen türkistandıq boksşınıñ nätijesi jaman emes. Iordaniya jerinde jüldege ilikpegenimen, Olimpiada joldamasına qol jetkize aldı. Japoniyada el ümitin aqtaydı degen senim bar.

57 keli

Bwl salmaqtıñ tizginin Qayrat Eräliev wzaq uaqıt boyı eşkimge bermegen edi. Alayda bapkerler alqası osı jolı Serik Temirjanovqa senim artqan eken. Oğan sebep, Erälievtiñ jası wlğaya bastadı. Onıñ üstine wlttıq qwrama üşin köp eñbek siñirgen Qayrat soñğı kezderi iri turnirlerde naşar nätije körsetip jür. Ötken jılı Aziya çempionatı men älem birinşiliginde de şirek finalda sürindi.

63 keli 

Bwrınğı 64 keli men 60 keliniñ arasınan payda bolğan jaña salmaq därejesi. Bwl eki salmaqta da birqatar jaqsı boksşılarımız bar edi. 2019 jılı Tailandta ötken Aziya çempionatında 60 kelide Zäkir Safiullin kümis, 64 kelide Sanatäli Töltaev qola medal' alğan. Bapkerler alqası jaña salmaqta 33 jastağı Zäkir Safiullinge senim artıp jür.

Bwl boksşı Ekaterinburgte ötken älem çempionatında 1/8 finalda süringen. Al elordada ötken  QR Prezidenti Kubogında kümis medal' aldı. Ammanda tağı altın medal' bwyırğan joq. Demek, qwrama bapkerleri jası wlğayğan Safiullindi jas boksşılarmen almastırudı qazirden bastap oylağanı jön sekildi. Bwl salmaqta 1999 jılı düniege kelgen egiz boksşı Samatäli, Sanatäli Töltaevtar jaqsı ösip keledi.

69 keli

«Qazaqtıñ salmağı» atanğan 69 kelide soñğı kezderi qazaqtıñ jolı bolmay jür. Bwl salmaqta üzdikter az emes. Abılayhan Jüsipov pen Aslanbek Şımbergenov ekeui de mıqtı boksşılar. Biraq, iri turnirlerde «altın» almağandarına köp boldı. Şımbergenov 2018 jılı Aziya oyındarında, 2019 jılı Aziya çempionatında özbek Bobo Usman Baturovtan jeñildi. Al Abılayhan ötken jılı älem çempionatında qola medaldi qanağat twttı. Tokio törinde Jüsipovtiñ jügi auır bolayın dep twr. 69 kelide qatarınan 4 Olimpiadada qazaqstandıq boksşılar altın medal' alğan. Osı sätti seriyanı jalğau Abılayhannıñ qolınan keler me eken?

75 keli

Bwl salmaqta ötken jılı Twrsınbay Qwlahmet atoy saldı. Aldımen Aziya çempionatında, keyin QR Prezidenti kubogında da qarsılas şıdatqan joq. Biraq älem çempionatında jartılay finalda jeñilip qaldı. Söytip, 75 keliniñ tizginin bwrınğı köşbasşı Äbilhan Amanqwl qaytadan öz qolına aldı.

Biraq ekeui de filipindik Eumir Mars'yal'diñ mıqtılığın moyındauğa mäjbür. Twrsınbay Ekaterinburgte jartılay finalda jeñilse, Äbilhan Ammanda aqtıq sında ese jiberdi. Biraq Tokioğa Twrsınbaydan üş jas kişi Äbilhan Amanqwl (1997 jıl) baradı.

81 keli

Bwl salmaqtıñ mıqtısı Bek Nwrmağanbet bolatın. 1998 jılı düniege kelgen Bek Aziya çempionatında eş qiındıqsız jeñiske jetken. Biraq, Bek jaraqat alıp qalğandıqtan bıltır Ekaterinburgte ötken älem çempionatına Bekzat Nwrdäuletov barğan.

Nwrdäuletov Resey jerinde qwrdasınan asıp tüsti. Jas boksşı 1/2 finalda 2016 jılğı Olimpiada çempionı, tört märte älem birinşiliginiñ jeñimpazı Hulio La Kruzdı jeñdi. Al aqtıq sında özbekstandıq Diolşodbek Ruzmetovtı ayqın wtıp, älem çempionatındağı jalğız altın medal'di alğan.

Bapkerler alqası Ammanğa jas älem çempionın alıp bardı. Bekzat bapkerler ümitin aqtap, Olimpiada joldamasımen qatar, irikteu turniriniñ altın medalin de jeñip qayttı.

Ayta keterligi, Bekzat 2019 mamırda Qazaqstan Spartakiadasına 91 kelide qatısıp, qola medal' alğan. Al şildede Prezident kubogında 81 kelide öner körsetip, kümis medalge qol jetkizgen bolatı.

91 keli

91 kelide birinşi nomerli boksşı Vasiliy Levit. Jası 32-ge kelgen Levit mansabındağı soñğı Olimpiadağa qatısatın şığar osı jolı. Sebebi bwl salmaqta mıqtı jas boksşılar ösip keledi. Äsirese 2000 jılı düniege kelgen Aybek Oralbaydıñ qarqını jaqsı. 2019 jılı ötken Prezident kubogınıñ finalında eki boksşınıñ joldarı tüyisti. Sol kezde Oralbay Vasiliyge qarımdı qarsılas ekenin añğartqan.

Vasiliy Levit te iri turnirlerde jeñiske jetpegeli köp boldı. 2019 jılı Aziya çempionatında da, älem birinşiliginde de qola medal' aldı. Tipti Tailandta ötken Aziya çempionatında käris boksşısı nokautqa tüsirip ketti. Biraq bapkerler bwl jolı da Levitke ümit artıp otır. İrikteu turnirindegi altın medal' eşteñeni däleldey almaydı. Asa täjiribeli Vasiliy öz mıqtılığın tek Tokioda däleldeui kerek.

+ 91 keli

Bwl salmaqta bizdiñ elde Qamşıbek Qoñqabaev köşbasşı. Biraq älemde ekinşi orınnan asar emes. Aziya çempionatında eki ret (2017, 2019), älem çempionatında eki ret (2017, 2019) kümis aldı. Osı tört finaldıñ üşeuinde özbekstandıq Bahodir Jalolovtan jeñildi. Qamşıbek osı jolı jaraqatına baylanıstı jartılay finaldıq jekpe-jekke şıqpağandıqtan, Jalolovpen jäne bir sınasıp körudiñ säti tüspedi.

Boyı 2 metr (198 sm) Jalolov äuesqoydan göri, käsipqoyğa jaqındau. Käsipqoy boksta birneşe jekpe-jek ötkizip ülgergen. 25 jastağı Jalolovtı jeñu qazirşe Qoñqabaevqa mümkin bolmay twr. Mümkin özbekstandıqtı Tokioda jeñetin şığar...

Quanış Qappas

Abai.kz

8 pikir