Jwma, 14 Tamız 2020
COVID-19 QAZAQSTANDA. Jwqtırğandar — 101848. Jazılğandar — 78633. Qaytıs bolğandar — 1269
46 - söz 2058 5 pikir 9 Şilde, 2020 sağat 14:27

Prezident ündeuine baylanıstı birer pikir

Qaralı kün turalı:
13 şildeni qaralı kün etip jariyalau halıqtıñ 6 şildedegi otşaşuğa narazılığın basu äreketi ekeni anıq. Biraq bwl aza küniniñ män-mazmwnı qanday bolmaq? Bir künge oyın-sauıq habarların toqtatıp, bir minut eske alu ma? Qazirgi halıqtıñ kökeyindegi mäsele – kovidtan qaytıp jatqan adam sanı, olardıñ ärqaysısınıñ oqiğası, kinälilerdiñ anıqtaluı, qatemen jwmıs. Qazirgi resmi statistikağa süyensek, qaytıs bolğan 264 adam üşin aza twtamız. Al pnevmoniyadan on-ondap ketip jatqandardıñ swrauı kimge? Qaytıs bolğandardıñ barlığınıñ atı-jöni atalıp, olardıñ ömirinen aqparat berilui kerek.

Dialog turalı
Toqaevtıñ eldegi narazılıqtıñ auanın tüsinip, jedel türde ündeu arnağanı aldıñğı prezidentten erekşe basqaru stilin bayqatadı. Biraq, ökinişke qaray, kommunikaciya twrğısınan öreskel qateler ketti, ol qatelerdi tüzeu qiın. Är qatelik sayın bilikke degen halıqtıñ senimi azayıp baradı. Onıñ üstine, qazirgi kommunikaciya damığan zamanda halıq aldın-ala jazılğan mätindi mänerlep oqıp bergennen göri özimen tikeley baylanısqa şıqqandı qalaydı. Toqaev bilikke kelgeli äli birde-bir ret tikeley efir ötkizgen joq. Bwğan qosa, prezidenttiñ qazaqşa bayau, orısşa jıldam söyleui de kommunikaciya twrğısınan jaqsı emes. Spiçrayterlerdiñ «Är qazaq meniñ jalğızım» degen siyaqtı jürekke jılı tietin sözderdi qosqanı dwrıs ta şığar. Biraq tım ädebilendirudiñ artında jasandılıq twratının añğarğan jön.

Eşbir qazaqstandıqtıñ nazardan tıs qalmaytını turalı
Äleumettik jelini bılay qoyğanda, jaqındar men tuğan-tuıs arasında däri, apparat izdep sarsılğan, auruhanağa jata almay qinalğan adam öte köp. Jwrttıñ köbi därigerge jete almaydı, jetse de jazıp bergen därilerin taba almaydı. Sondıqtan prezidenttiñ bwl sözine senbegender köp bolğan şığar.

Kinäliler turalı
Jüyelik kemşilikterdiñ barlığına ornınan ketken ministr men onıñ komandası kinäli delindi. Biraq bwl prezidentten bastap, bükil ükimettiñ moynındağı jauapkerşilikti alıp tastay almaydı. Prezident naurızdağı alğaşqı ündeuinde de «barlığı baqılauda» degen, arnayı vedomstvoaralıq komissiya qwrılğan. YAğni şeşimderdiñ köbin tek densaulıq saqtau ministri emes, sol komissiya wjımdıq deñgeyde qabıldağan. Prezidenttik respublika bolğandıqtan kadrdıñ tañdaluına, onıñ jwmısınıñ jüyeli boluına, barlığına prezident jauap beredi.

Äleumettik jağday turalı
Ündeude äleumettik mäsele, jwmıssız qalğan adamdar, jabılğan biznes turalı eşteñe aytılmadı. «Sananı twrmıs bileydi». İşerge ası joq bolıp otırğan adamdar bilikten kömek kütedi, bankke nesiesin ötey almay otırğandar qorğanış kütedi. Bwl jağınan halıq kökeyindegi swraqtarına jauap ala almadı.

Mwhtar Señgirbaydıñ jazbası

Abai.kz

5 pikir