Songhy ailarda kópshilikti «Resey preziydenti Putin yadrolyq qaruy bar NATO elderimen qaqtyghysqa týse me», - degen súraq qyzyqtyrdy. Osydan on jyl búryn dәl osynday yadrolyq qaqtyghys turaly súraq kýlkili bolmaq týgili, absurd bolyp kórinetin. Qazir Putin ózgengen. NATO shendileri Resey Konstitusiyasynyng kepili sanalatyn Vladimir Putin yadrolyq qaqtyghysty op-onay úiymdastyra alady dep alandaydy.

Resey Ukrainagha soghys ashqan aqpan aiynyng ayaghynda nemese nauryzdyng bas túsynda Putin yadrolyq qarugha qol jýgirtui mýmkin bolyp kórinse, qazir jaghday ózgeshe. Putinning endi yadrolyq qarugha arqa sýiey qoyy ekitalay. Múnyng birneshe sebebi bar.

Birinshi sebep – Putinning syrtqy sayasatynyng negizi – bos bylshyl (blef). Siz úzaq uaqyt «blef» jasay alasyz, biraq, uaqyt ótken sayyn olar sizge senuden qalady. Putin «reseyliktermen birge júmaqqa barugha» dayyn ekenin aitty. Biraq, qazir ol ózining osy sózin úmytty. Ári ózi de júmaqqa úmtylmaytyny anyq.

Ekinshi sebep – Ukraina joryghy Resey armiyasynyng әlsizdigi men osaldyghyn kórsetti. Bes aidan astam uaqyt ótti. Kremliding әueldegi josparynyng tas-talqany shyqty. Al ukraindar birtindep Resey qorghanysyn zerttey bastady. Qarsy shabuylgha dayyndaluda.

Ýshinshi sebep – AQSh-tyng eskertui. Putin yadrolyq soghys turaly aita bastaghannan keyin AQSh-tan eskertu aldy. AQSh baspasózi jazghanday, Putin taktikalyq yadrolyq qaru qoldanylghan jaghdayda onyng Resey aumaghyndaghy barlyq bunkerleri joyylatynyn eskertildi. Al Resey aumaghynda onday bunkerlerding onshaqtysy bar.

Tórtinshi sebep – Resey armiyasynyng kýsh-quaty, jenilmeytindigi turaly qalaghanynyzsha aitugha bolady. Biraq Ukrainadaghy soghys búl doktrinagha kýmәn keltiredi. Sonymen qatar, NATO әskerlerining kýshi joyylghan joq. «Álemning ekinshi armiyasy» dep atalatyndar NATO әskerimen kýsh synasqysy kelui ekitalay.

Osylaysha, Putinning « qyzyl týimeni basugha» batyly barmaydy. Putinning ózin-ózi saqtau instinkti jetkilikti damyghandyqtan, onyng yadrolyq mәselede basqa elderding kýshin synauy ekitalay.

Kerimsal Júbatqanov

Abai.kz