Býgin Jiguly Dayrabaev Mәjilis otyrysynda sottalghan úldary turaly mәlimdeme jasady. Deputat balalaryn kinәsiz dep sanaydy.

«Ardaqty әriptester! Aldymen sizderge rizashylyghymdy bildirgim keledi. Balalaryma baylanysty tuyndaghan mәsele boyynsha kóbiniz deputat, әriptes retinde qoldau kórsetip jatyrsyzdar. Moralidyq jaghynan әdildik tanytyp, qúqyqtyq jaghynan sauattylyq bildirgenderinizdi joghary baghalaymyn. Balalarymdy kinәli dep eseptemeymin. Olar әdildik ýshin kýresedi. Apellyasiyalyq sotqa jýginip, abyroyyn qorghaugha mýddeli. Endeshe men ne ýshin Mәjilisten ketuim kerek? Auyl túrghyndary, sharualar, ózimdi saylaghan «Auyl» partiyasy maghan ýlken ýmit artyp otyr. Kóptegen ótkir mәselelerdi qolgha alyp, júmys isteuim kerek», – dedi deputat.

Byltyr preziydent saylauyna týsken Jiguly Dayrabaevtyng eki úlyna qatysty alayaqtyq babymen is qozghalghan. Taraz qalasy №2 soty subsidiyalardy úrlau turaly is boyynsha ýkim shyghardy. Qylmystyq kodeksting 190-baby 4-bóligi 2-tarmaghy alayaqtyq, yaghny adamdarmen aldyn ala sóz baylasu arqyly asa iri mólsherde bótenning mýlkin jymqyru nemese aldau nemese senimdi teris paydalanu jolymen bóten mýlikke qúqyqty iyemdenu boyynsha 4 adamgha qatysty qylmystyq is qaralghan. Onyng ekeui Dayrabaevtyng úldary – kәsipkerler Marat Dayrabaev jәne Didar Moldaqalyq.

Olar Memleketke 550 million tengeden shyghyn keltirildi. Dayrabaevtyng eki úly shartty týrde 5 jylgha sottaldy.

«Auyl» partiyasynyng tóraghasy Oralmov Meyrambay Áskerbayúly partiyalasynyng sýtten aq, sudan taza ekenin, sonday-aq myqty maman ekenin aityp, atalghan jayt ony deputattyq mandattan aiyrugha negiz bola almaytynyn algha tartty. J.Dayrabaev bolsa, úldaryn es biletin azamattar dep, qoghamdaghy narazylyqty әrkimning jeke pikiri dep biletinin jetkizdi.

«Oghan min tagha almaymyz.. Ol mandatyn tapsyrmaydy. Men fraksiyanyng mәlimdemesin aityp otyrmyn. Onyng abyroyy bar, ary taza. Bizding partiyamyzdyng frontmeni. Sondyqtan, fraksiya retinde pozisiyamyz osynday», - dedi Anas Baqtyqojaev Mәjilisting kuluarynda.

Ayjan Temirhan

Abai.kz