Tramp әkimshiligine úsynghan kandidattardyng ishinde birinshi bolyp tanymal senator Marko Rubio 99:0 dauyspen әriptesterining bir auyzdan rizashylyghyn alyp, Amerikanyng 72-kezekti Memleket ister hatshysy bolyp taghayyndaldy. Amerikanyng basty bәsekelesi Qytaydyng 2 ret sanksiyasyna ilingen Marko Rubio ne býldirip edi?

Marko Rubionyng ómir joly

Tegi Kubalyq Rubio 1971-jyly Florida shtatynyng Mayamy qalasynda dýniyege kelgen. Ata-anasy Kastronyng repressiyalyq rejiyminen qútylu ýshin 1950-jyldary Kubadan Amerikagha qashyp kelgen.

Rubionyng ata-anasy kóptegen jana qonys audarushylar siyaqty Mayamy men Los-Andjelestegi qonaqýilerde barmen jәne ýy qyzmetshisi bolyp júmys istegen. Ol immigranttardyng jaqsy ómir sýru ýshin bar kýsh-jigerin salyp, ýlken qúrbandyqtar beretinin ýnemi aityp jýredi.

Rubio 14 jasynda jaqyndarymen birge Kaliforniyadan Mayamiyge kóship keledi, keyin Florida uniyversiytetin sayasattanu bakalavry dәrejesimen bitiredi jәne Mayamy uniyversiytetining zang mektebinde zanger dәrejesin alady. Oquyn bitirip, zanger bolady.

Onyng sayasy mansaby 2000-jyly Floridanyng Ókilder palatasyna saylanghan kezde bastaldy. Shtattyng zang shygharushy organynda ol tez kóterilip, Florida Ókilder palatasynyng alghashqy kubalyq-amerikandyq spiykeri boldy (2006-2008). Osy uaqyt ishinde ol Respublikalyq partiya men Florida konservatorlary arasynda bedelge ie boldy.

2010-jyly Rubio sol kezdegi shtat bastyghy Charly Kristke bәseklesip, AQSh Senatyna ýmitker boldy. Sol kezdegi AQSh-taghy bedeldi onshyl «Tea Party» qozghalysynyng kómegimen orda búzar shaghynda qarsylastarynan basym týsti. Onyng jenisi Respublikalyq partiyanyng konservativti qanatynyng ýlken jenisi retinde baghalandy.

2011-jyly AQSh senatory qyzmetine kiriskennen beri Rubio Kongresting atqarushy komiytetining qytaygha qatysty komissiyasy men Senattyng Barlau komiytetinde qyzmet etti, ol syrtqy sayasat pen últtyq qauipsizdik mәselelerine qatysty óz pikirin jii bildirip, dýnie jýzindegi avtoritarlyq rejimderdi synady. Olardyng qatarynda ata júrty Kubamen birge Venesuela, Qytay qatarlylar bar.

Rubio Qytaygha qatysty qatal pozisiyany ústanyp, Beyjinning adam qúqyqtary men sauda tәjiriybesin aiyptaytyn sayasy zang jobalaryn úsynyp, Beyjing tarapynan qatty syngha úshyrady. Tayvanigha birneshe ret qoldau bildirdi. Senatta ol qatysqan zang jobasy negizinen Qytaygha demeushilik jasaghan alpauyt kompaniyalargha, rejimderge baghyttalghan. Sonyng saldarynan Beyjinning eki retki sanksiyasyna ilindi.

Katolik dinin ústanatyn Rubio 2015-jyly AQSh Jogharghy sotynyng býkil el boyynsha birjynysty nekeni zandastyru turaly sheshimine ashyq týrde qarsy shyghyp, búl sheshimdi sot biyligin shamadan tys keneytu dep synady.

Senatta bolghan uaqytynda ol bir jynysty nekeni qoldaytyn nemese zandastyratyn eshbir zannamany qoldamady jәne nekeni erkek pen әiel arasyndaghy odaq retinde anyqtau ýshin konstitusiyagha týzetu engizudi jaqtady. Ol sonday-aq transgenderlerge ózderining jynystyq sәikestigine qaray juynu bólmesin tandaugha mýmkindik beretin sayasatqa birneshe ret ashyq týrde qarsylyq bildirdi, múnday sayasat basqalardyn, әsirese әielder men balalardyng qúqyqtary men qauipsizdigine núqsan keltiretinin algha tartty.

Rubio «ómirdi qorghau» sayasatyn, "týsik týsirudi shekteytin zannamany" qoldaytyn, abortqa qarsy tabandy adam. Rubionyng berik konservativti qúndylyqtary ony amerikandyq konservatorlar arasynda júldyzgha ainaldyrdy.

Rubio dayyndaghan zang jobalary:

Úighyrlardyng adam qúqyghy turaly zang jobasy" (2019)

Qos partiya birdey qoldaghan búl zang jobasyn Rubio dayyndaghan. Onda Shynjandaghy úighyr azshylyghyna qarsy adam qúqyqtarynyng búzyluyna jauapty Qytay sheneunikterine sanksiyalar salu, Qytay ýkimetining Shynjandaghy adam qúqyqtaryn búzuy men teris әreketterine, atap aitqanda jappay qamau men baqylaugha aluyna qarsy baghyttalghan. Zang jobasy 2020-jyly qabyldandy, oghan sol kezdegi preziydent Tramp qol qoydy. Sol kezde Qytaydyng býkil qytaylyq halyq ókilderi jinalysy mәlimdeme jasap, AQSh-ty Qytaydyng ishki isterine óreskel aralasty dep synap, oghan batyl qarsylyq bildirgen edi.

"Gonkongtaghy adam qúqyqtary jәne demokratiya turaly akt" (2019)

2016-jyly Rubio AQSh Kongresi - Qytay komissiyasynyng teng tóraghasy bolghan kezde Vashingtonda Gonkong demokratiyasynyng belsendisi Djoshua Vongpen kezdeskennen keyin Gonkong aktisin úsyndy. 2019-jyly Gonkongta ekstradisiya turaly zang jobasyna qarsy narazylyqtar bastaldy jәne AQSh Senaty men Ókilder palatasy zang jobasyn eki jaqty konsensuspen qabyldady. Zang jobasy Beyjinning Gonkongtaghy qysymyna jauap retinde Gonkongtaghy demokratiya men adam qúqyqtaryn qoldaugha baghyttalghan. Beyjing múny kezinde qatty syngha alyp, Qytay Syrtqy ister ministrligi búl zang jobasyn Qytaydyng ishki isterine aralasu әreketi dep baghalady.

"Tayvanidy qorghau jәne últtyq túraqtylyq turaly zan" (2023)

Rubio men demokrat senator Gery Piyters AQSh ýkimetining tiyisti departamentterinen Qytaydyng Tayvanigha yqtimal basyp kiruine jauap beru josparyn әzirleudi talap etetin zang jobasyn birlesip úsyndy. Mәlimdemede búl úsynys AQSh Qorghanys ministrliginen, Sauda ministrliginen jәne basqa federaldy agenttikterden Qytaydyng Tayvanigha shabuylyna AQSh-tyng dayyndyghy men qarsy sharalary, sonyng ishinde Beyjinning yqtimal shabuylyna jauap beru strategiyalary turaly Kongresske esep beruin talap etetini aitylghan.

"Amerikandyq investitsiya jauapkershiligi turaly zan" (2023)

Rubio zang jobasyn jazushynyng biri bolyp tabylady, ol AQSh qor birjalarynda tirkelgen sheteldik kompaniyalardan AQSh audit standarttaryn saqtaudy talap etip, tәrtipke qarsylyq kórsetken qytaylyq kompaniyalargha baghyttalghan. Zang jobasy sonymen qatar AQSh kompaniyalarynyng Qytaydaghy investisiyalary men kapital aghyndaryn tolyq kórsetu ýshin AQSh-tyng sheteldegi investisiyasy turaly derekterding jiyiligin arttyrudy, AQSh-tyng Qytaydaghy investisiyasy turaly aqparatty AQSh Kongresimen ýnemi bólisudi talap etedi.

Marko Rubio senattaghy tyndauda ne aitty:

Qantardyng 15-kýni AQSh senatynda Rubionyng kandidaturasyn talqylau maqsatynda tyndau ótti. Rubio әriptesterining Ukraina-Resey soghysy, Gaza qaqtyghysy qatarly geosayasy jaghdaygha baylanysty ótkir súraqtaryna tynghylyqty jauap berdi.

Qytay, Resey, Iran, Soltýstik Koreyany birlesip Amerikany jargha jyqqysy keledi dey kele, Qytaydy «21-ghasyrdaghy Amerikanyng damuyna basty kedergi» dep atady. Qytay Syrtqy ister ministiri ókili oghan dereu narazylyq bildirdi.

Tramptyng aldynghy Memleket ister hatshysy Mayk Pompeony qytay taraby "Biz Qytay halqy men qytay kommunistik partiyasyn bólip qaraymyz" degeni ýshin "Adamzattyng jauy" dep, onyng aqylshysy qytaydan shyqqan Mayls Yu professordy "últ satqyny" dep aiyptaghan edi.

Qayta saylanghan Tramptyng qytaydyng eki ret qara tizimine ilikken jana Memleket ister hatshysy Rubio ózine salynghan eki retki sanksiyanyng saldarynan qytaygha kiru qúqyghynan maqúrym bolyp túr. Búl jayt әlemdik BAQ tyng nazaryn audaruda. Qytay resmy ókili "Rubiogha shygharylghan sanksiyayng kýshi joyyla ma?" degen súraqqa kesimdi jauap bermey, eki taraptyng baylanys joldaryn tabatynyn jetkizgen.

Qytaydyng әigili "Global" jurnalynyng sarapshysy "qalay desek te úpay júrisi bizding qolda" dep jazghan.

Ótken júmada Rubio Qytay Syrtqy ister ministri Van Y men telefon arqyly sóilesip, "Tayuan mәselesin" talqylady. Memleket ister hatshysy bolyp saylanudyng aldyndaghy Senattaghy tyndauda Rubio: "Qytay biyligining aghylshynsha bergen týsiniktemesine emes, olardyng óz tilinde ne jazghanyna nazar audaru kerek" - degen edi. Kezekti әngimeden keyin de onyng sózining jany bar ekeni taghy da rastalghan.

Abai.kz