Qazaqstannyng Kólik ministrligi Aqtau әuejayy manynda Ázerbayjangha tiyesili AZAL úshaghynyng apatqa úshyrauy turaly aldyn ala esepti jariyalady. Aldyn ala bayandama 53 betten túrady.

Qújatta: «Bayandamada úsynylghan aqparattar aldyn ala mәlimetter. Jәne ol barlyq materialdardy zertteu nәtiyjeleri boyynsha naqtylanuy jәne tolyqtyryluy mýmkin», - delingen.

Sonday-aq, arnayy tergeu komissiyasy júmysy ayaqtalghannan keyin, qorytyndy esep dayyndalatyny aityldy.

APATTYNG BOLJALDY SEBEPTERI:

Jariyalanghan aldyn ala esep boyynsha, ekipaj apatqa deyin artqy oryndyqtar aimaghynda qatty soqqy men jarylys bolghanyn habarlaghan.

AZAL apatyn zerttep jatqan sarapshylar artqy fuzelyajda, úshaq qalqanynda, túraqtandyrghyshta, sonday-aq úshaqtyng liftinde jәne ruliinde әrtýrli ólshemder men pishindegi kóptegen zaqymdar keltirgen bóten zattardy anyqtaghan. Osyghan úqsas zaqymdar sol jaq qozghaltqyshta, úshaqtyng sol jaq qanatynda, gidravlikalyq jýiede, sonday-aq úshaqtyng agregattary men jekelegen bólikterinde anyqtaldy.

Sonymen qatar jariyalanghan esepte Groznyidaghy dispetcherler ekipajgha «Groznyida «Kover» rejiymining engiziletini» turaly apat aldynda eskertkeni de aitylghan.

Aqtauda qúlaghan «Azerbaijan Airlines» kompaniyasynyng úshaghynan «bógde zattar» tabylghan. «Úshaqtyng syrtyndaghy býlingen tesikter syrttan bógde zattar tiygenin kórsetedi», - delingen bayandamada.

Esterinizge sala keteyik, 25 jeltoqsanda Ázerbayjan әue joldarynyng Baku – Groznyy baghytyndaghy jolaushylar úshaghy Aqtau әuejayynyng manynda apatqa úshyraghan bolatyn.

Áueli úshaq apatyna basty sebep retinde: Úshaq qozghaltqyshyna qústyng soghyluy dep ataghan edi. Búl Resey BAQ-tary taratqan núsqa.

Keyin, jeltoqsannyng 26-sy kýni Europalyq «Euronews» telearnasy úshaq apatyna reseylik zymyran sebep bolghanyn habarlady. Ázerbayjan aqparat qúraldarynyng habarlauynsha, әngime reseylik «Pantsiyr-S» әue shabuylyna qarsy qorghanys jýiesi turaly bolyp otyr. Búl núsqany 27 jeltoqsanda Reseyding «Rosaviasiya» agenttigide moyyndaghan.

Onan song Qazaqstanda apatqa baylanysty ýkimettik komissiya qúryldy.

Al 28 jeltoqsanda Resey preziydenti Vladimir Putin Ázerbayjan preziydenti Iliham Áliyevke telefon soqty. Qonyrau barysynda Aqtaudaghy úshaq apatyna qatysty mәseleler talqylandy. Putin Ázerbayjan preziydentinen keshirim súrady. Artynda Putin Qazaqstan preziydenti Qasym-Jomart Toqaevqa da telefon soghyp, úshaq apatyna qatysty kónil aitty jәne apattyng jay-japsaryn talqylady.

4 qantarda braziliyalyq tergeushiler Aqtau manynda apatqa úshyraghan úshaqtyng qara jәshikterindegi derekterdi zerttey bastaghany belgili boldy.

Qantardyng 6-sy kýni Ázerbayjan preziydenti Iliham Áliyev Aqtau manyndaghy úshaq apatynda Ázerbayjan azamattarynyng qaza boluyna Resey Federasiyasynyng ókilderi kinәli dep mәlimdedi.

7 qantarda Braziliya qara jәshik derekterin saraptaudy ayaqtaghany belgili boldy. Al 15 qantarda Qazaqstan Braziliyadan alynghan qara jәshik derekterin zerttep jatqany belgili boldy.

Abai.kz