Premier-ministr Oljas Bektenovting tóraghalyghymen «Samúryq-Qazyna» últtyq әl-auqat qory» AQ diyrektorlar kenesining otyrysy ótti. Preziydent Qasym-Jomart Toqaev Ýkimetting keneytilgen otyrysynda algha qoyghan mindetterdi eskere otyryp, Qordyng 2024 jylghy júmysynyng qorytyndylary jәne ony odan әri damytu mәseleleri qaraldy.

«Samúryq-Qazyna» ÚÁQ» AQ basqarma tóraghasy Núrlan Jaqypov investisiyalyq jobalardy iske asyru turaly bayandady. Ýzdiksiz elektrmen jabdyqtau maqsatynda Ekibastúz GRES-1 №1 energiya blogy toqtap, quaty 4000 MVt-qa deyin úlghaytyldy. Ekologiyany jaqsartu júmystary ayasynda Almaty JEO-2 jәne JEO-3 ýshin gaz infraqúrylymyn qúru jobasy iske asyryldy. Qarashyghanaq ken orny júmysynyng tiyimdiligin arttyru ýshin besinshi keri aidau kompressory engizildi. Kólik-logistikalyq baghytta Siani qalasynda jýk terminaly salyndy, ol jýkterdi jetkizu merzimin qysqartugha jәne qazaqstandyq baghyttardyng tartymdylyghyn arttyrugha mýmkindik berdi. Sonymen qatar 250 shaqyrymnan astam gaz qúbyry men 500 shaqyrym temirjol jelisi tartylyp, ekinshi «Dostyq – Moyynty» jolynyng 132 shaqyrymynda poyyz qozghalysy iske qosyldy. Sonday-aq esepti kezende Qazaqstan ýshin biregey jobalar: gidroakkumulyasiyalyq stansa men Astana qalasyndaghy alghashqy sifrlyq qosalqy stansanyng qúrylysy bastaldy.

Jalpy tizimge qazirgi uaqytta múnay-gaz, múnay-himiya, energetika, kólik-logistika jәne basqa da salalar boyynsha qúny 33,3 trln tengeni qúraytyn investisiyalyq 46 joba engizilgen.

Biyl «Taldyqorghan – Ýsharal» magistraldy gaz qúbyryn paydalanugha beruding arqasynda Jetisu ónirindegi 66 eldi mekendi gazben qamtu júmystaryn ayaqtau josparlanghan. Kendirlide quattylyghy tәuligine 50 myng m3 teniz suyn túshytu zauytyn iske qosu arqyly Janaózen qalasy men Manghystau oblysyndaghy su tapshylyghy mәselesin sheshu josparlanuda. Transkaspiy halyqaralyq kólik baghytynyng (THKB) jәne «Dostyq – Moyynty» temirjol jelisi uchaskesining ótkizu qabiletin arttyru tranzitti damytugha eleuli serpin beredi. Ishki naryqtyng qajettilikterin qanaghattandyru ýshin PMHZ-da diyzeli otynyn gidrotazartu ornatylady jәne CASPI BITUM-da bitum óndirisi keneytiledi. «Beyneu – Bozoy – Shymkent» magistraldy gaz qúbyrynyng ótkizu qabiletin jylyna 15 mlrd m3 deyin arttyrugha mýmkindik beretin ekinshi uchaskesining qúrylys barysyna erekshe nazar audarylyp, birlesken investisiyalau qúraldary talqylandy.

Jobalar boyynsha jergilikti qamtudyng boljamdy ýlesi sektorgha baylanysty ózgerip otyrady. Mysaly, kólik-logistika sektoryndaghy jobalar boyynsha búl kórsetkish 85%-dy, energetikalyq jobalar boyynsha – 60%-dy, su túshytu zauytyn, «ÚIMT» AEA infraqúrylymyn, jayly mektepter men 5G jelisin salu jәne TOBJ tóseudi qosa alghanda, basqa da jobalar boyynsha – 80%-dy qúraydy.

Sonday-aq 2024 jyly otandyq tauar óndirushilerdi qoldau boyynsha qosymsha sharalar qarastyrylghan. Osynyng arqasynda 1,1 trln tengege OTÓ-men sharttar jasalyp, ósim 2023 jylmen salystyrghanda 76%-dy qúrady. 191 mlrd tengege ofteyk-kelisimsharttar jasaldy, búl 2023 jylmen salystyrghanda 10 esege kóp. Sonymen qatar Qordyng satyp alu jýiesi alghash ret EQDB, ADB jәne EYDÚ ýzdik standarttaryna sәikes dep tanyldy.

Premier-ministr elimiz ýshin manyzdy jobalardy iske asyrugha jeke investisiyalar tartu jónindegi júmysty kýsheytu qajettigine toqtaldy.

«Memleket basshysy bizding júmysymyzdyng basym baghyty iri infraqúrylymdyq jәne ónerkәsiptik jobalardy, kólik pen logistikany damytu, sonday-aq sifrlandyru jәne jasandy intellekt boluy tiyis ekenin atap ótken bolatyn. Ýkimet elimiz ýshin manyzdy jobalardyng iske asyrylu jaghdayyn baqylauda ústaydy. Memleketting ekonomikadaghy ýlesin birtindep azayta otyryp, birlesken investorlardy belsendi tartu qajet», — dep atap ótti Oljas Bektenov.

Sonymen qatar Premier-ministr ýderisterdi ontaylandyru jәne keshiktiruge әri negizsiz qymbattaugha jol bermeu ýshin jobalardy iske asyru merzimderining saqtaluyn qatang baqylau qajettiligine audardy.

Abai.kz